மாநிலச் செய்திகள்

பூஜ்ஜிய மரபுசார் கழிவு - மத்தியப் பிரதேசம்

September 10 , 2026 3 days 46 0

'ஸ்வச் ஷஹர் ஜோடி' (Swachh Shehar Jodi) திட்டத்தின் கீழ் மத்தியப் பிரதேசத்தில் உள்ள தேபால்பூர், 1,250 மெட்ரிக் டன் மரபு சார்ந்த கழிவுகளை சுத்திகரித்து 'பூஜ்ஜிய மரபுசார் கழிவு' (Zero Legacy Waste) நிலையை எட்டிய முதல் நகரமாக மாறியுள்ளது.
இந்த முயற்சி ஸ்வச் பாரத் திட்டம்-நகர்ப்புறம் 2.0-இன் (SBM-U 2.0) கீழ் இந்தூர் மாநகராட்சியின் ஆதரவுடன் மேற்கொள்ளப்பட்டது.
தேபால்பூர் நகரம் கழிவுகளை நான்கு பிரிவுகளாகப் பிரித்து 100% வீடு வீடாகச் சென்று கழிவுகளை சேகரிக்கும் முறையை அடைந்துள்ளது.
சுமார் 4.5 டன் நெகிழிப் பொருட்கள், உலோகம் மற்றும் கண்ணாடி ஆகியவை மீட்கப் பட்டு அங்கீகரிக்கப்பட்ட மறுசுழற்சியாளர்களுக்கு அனுப்பப்பட்டன.
சிமெண்ட் தொழிற்சாலைகளில் பயன்படுத்துவதற்காக சுமார் 50-60 டன் கழிவில் இருந்து பெறப்பட்ட எரிபொருள் (RDF) இந்தூரில் உள்ள நெப்ரா (NEPRA) ஆலைக்கு அனுப்பப் பட்டது.
இந்தூர் நகரைச் சேர்ந்த 500 க்கும் மேற்பட்ட தூய்மைப் பணியாளர்கள் இந்தக் கழிவுச் சீரமைப்புப் பணியில் பங்கேற்றனர்.