சுற்றுச்சூழல் செய்திகள்

மத்தியப் பிரதேசத்தில் காட்டு எருமை மறுஅறிமுகம்

October 16 , 2026 6 days 93 0

சுமார் ஒரு நூற்றாண்டுக்கு முன்பு மாநில வனப்பகுதிகளில் இருந்து மறைந்துபோன இனத்தை மீட்டெடுக்கும் வகையில், மத்தியப் பிரதேசம் எட்டு காட்டு எருமைகளை கன்ஹா புலிகள் காப்பகத்தில் உள்ள 17 ஹெக்டேர் அடைப்புக்குள் விடுவித்துள்ளது.
காட்டு எருமை (புபாலஸ் அர்னி) சர்வதேச IUCN செந்நிறப் பட்டியலில் 'அருகி வரும் இனம்' என வகைப்படுத்தப்பட்டுள்ளதுடன், 1972 ஆம் ஆண்டு வனவிலங்கு (பாதுகாப்பு) சட்டத்தின் அட்டவணை I-இன் கீழ் பட்டியலிடப்பட்டுள்ளது.
ஆறு பெண் மற்றும் இரண்டு ஆண் எருமைகள் அடங்கிய இந்த எட்டு எருமைகள் அசாமின் காசிரங்கா தேசியப் பூங்காவிலிருந்து கொண்டுவரப்பட்டன.
அடுத்த மூன்று ஆண்டுகளில் கன்ஹா பகுதியில் 50 காட்டு எருமைகளை மறுஅறிமுகம் செய்ய மத்தியப் பிரதேசம் இலக்கு நிர்ணயித்துள்ளது. இதற்கான விலங்குகளை அசாம் மாநிலம் தொகுதிகளாக வழங்கும்.
கன்ஹா தேசியப் பூங்கா 1955 ஆம் ஆண்டில் நிறுவப்பட்டது. மேலும், 1973 ஆம் ஆண்டில் கன்ஹா புலிகள் பாதுகாப்புத் திட்டத்தில் (Project Tiger) சேர்க்கப்பட்டது.