தமிழ்நாட்டுச் செய்திகள்

மாற்றியமைக்கப்பட்ட கூட்டுறவு பயிர்க்கடன் திட்டம்

November 12 , 2026 2 days 68 0

தமிழ்நாடு அரசு தனது கூட்டுறவு பயிர்க்கடன் தள்ளுபடித் திட்டத்தை மாற்றியமைத்து, அதற்கான தகுதி காலத்தை 2026 ஆம் ஆண்டு மார்ச் 31 வரை நீட்டித்துள்ளது.
கூட்டுறவு நிறுவனங்களில் ₹75,000 வரை கடன் பெற்ற விவசாயிகளுக்கு முழு பயிர்க்கடனும் தள்ளுபடி செய்யப்படும்.
₹75,000-க்கும் அதிகமாகக் கடன் பெற்ற விவசாயிகளுக்கு நிலையான தள்ளுபடித் தொகையாக ₹75,000 தள்ளுபடி செய்யப்படும்.
இத்திட்டமானது 2025 ஆம் ஆண்டு மே 1 முதல் 2026 ஆம் ஆண்டு மார்ச் 31 ஆம் தேதி வரையிலான காலப்பகுதியில் பெறப்பட்ட கடன்களுக்குப் பொருந்தும்.
மாற்றியமைக்கப்பட்ட இத்திட்டத்தின் மூலம் 13,24,881 விவசாயிகள் பயனடைவர். இதில் 5,90,621 விவசாயிகள் முழுத் தள்ளுபடிக்கும், 7,34,260 விவசாயிகள் பகுதித் தள்ளுபடிக்கும் தகுதியுடையவர்கள் ஆவர்.
இத்திட்டத்திற்காக கூடுதலாக ₹2,842.77 கோடி ஒதுக்கீடு செய்யப்பட்டுள்ளதை அடுத்து, இதற்கான மொத்த மதிப்பிடப்பட்ட செலவு ₹9,062.83 கோடியாக உயர்ந்துள்ளது.
பயிர்க்கடன் தள்ளுபடி அறிவிப்பு வெளியாவதற்கு முன்பாகவே தங்களது கடனை முழுமையாகத் திருப்பிச் செலுத்திய 10,810 விவசாயிகளுக்கும் இந்தச் சலுகை நீட்டிக்கப்பட்டுள்ளது.