இதரச் செய்திகள்

மெட்ராஸ் உயர்நீதிமன்ற நீதிபதிகளின் தேர்வு

May 22 , 2025 8 hrs 0 min 26 0

தலைமை நீதிபதிகள் D.Y. சந்திரசூட் மற்றும் சஞ்சீவ் கன்னா ஆகியோரின் பதவிக் காலத்தில், அவர்கள் மொத்தம் 17 நீதிபதிகளில் BC, OBC, MBC, SC, அல்லது ST சமூகங்களைச் சேர்ந்த 15 பேரை சென்னை உயர்நீதிமன்றத்தில் நீதிபதிகளாக நியமித்தனர்.
நியமிக்கப்பட்ட 34 பெண்களில், பலர் BC, OBC, MBC, SC அல்லது ST சமூகங்களைச் சேர்ந்தவர்கள் ஆவர்.
சென்னை உயர்நீதிமன்றத்தில் பிற்படுத்தப்பட்ட வகுப்பினைச் சேர்ந்த (BC) ஒருவர், மிகவும் பிற்படுத்தப்பட்ட வகுப்பினைச் சேர்ந்த (MBC) ஒருவர் மற்றும் இதரப் பிற்படுத்தப் பட்ட வகுப்பினைச் சேர்ந்த (OBC) சேர்ந்த மூன்று பேர் உட்பட 5 பெண்கள் நியமிக்கப் பட்டனர்.
தெலுங்கானா, கேரளா, ஆந்திரப் பிரதேசம், இராஜஸ்தான், கௌஹாத்தி மற்றும் மணிப்பூர் போன்ற மாநிலங்களில் பல்வேறு பொதுப் பிரிவு சாராத குழுக்களைச் சேர்ந்த பெண்கள் நீதிபதிகளாக நியமனம் செய்யப்பட்டுள்ளனர்.
ஆந்திரப் பிரதேச மாநில உயர் நீதிமன்றத்தின் நியமனத்தில் பொதுப் பிரிவு சாராத பிரிவுகளைச் சேர்ந்த நியமனம் 27.3% பங்கைக் கொண்டுள்ளது என்பதோடு இது 24.4% என்ற தேசிய சராசரியை விட அதிகமாகும்.
தென் மாநிலங்களில் பொதுப் பிரிவு சாராதப் பிரிவுகளைச் சேர்ந்தத் தனிநபர்களின் பிரதிநிதித்துவம் ஒப்பீட்டளவில் அதிகமாக இருந்தது.
கேரளாவில் மட்டும், அங்கீகரிக்கப்பட்ட நியமனதாரர்களில் சுமார் 20 சதவீதத்திற்கும் குறைவானவர்கள் பொதுப் பிரிவு சாராத பிரிவுகளைச் சேர்ந்தவர்கள்.
இதற்கு மிகவும் நேர்மாறாக, கொல்கத்தா, டெல்லி, ஜார்க்கண்ட், மத்தியப் பிரதேசம், மேகாலயா, ஒரிசா, பஞ்சாப் மற்றும் ஹரியானா, பாட்னா மற்றும் திரிபுரா ஆகிய ஒன்பது உயர் நீதிமன்றங்களுக்கு அங்கீகரிக்கப்பட்ட அனைத்து நியமனதாரர்களும் பொதுப் பிரிவைச் சேர்ந்தவர்கள் ஆவர்.
குஜராத், உத்தரகாண்ட் மற்றும் இராஜஸ்தான் ஆகிய மாநிலங்களில், பொதுப் பிரிவு சாராத பிரிவுகளைச் சேர்ந்த அங்கீகரிக்கப்பட்ட நியமனதாரர்களின் பங்கு சுமார் 17 சதவீதத்திற்கும் குறைவாகவே இருந்தது.
இந்தியாவின் OBC மக்கள்தொகையில் 12.2 சதவீதத்திற்கும் அதிகமான நபர்களைக் கொண்ட பீகார், உயர்கல்வியில் சேரும் நாடு முழுவதுமுள்ள OBC பிரிவினரின் பங்கில் 8 சதவீதத்திற்கும் குறைவான பங்கினை மட்டுமே கொண்டுள்ளது.
இந்தியாவின் OBC மக்கள்தொகையில் சுமார் 10% பேர் தமிழ்நாட்டில் வசிக்கின்றனர் இது தேசிய அளவில் உயர்கல்வியில் சேரும் 13% OBC நபர்களைக் கொண்டுள்ளது.