TNPSC Thervupettagam
✖
 
01, Aug 2025
TNPSC Group I Topper Corner
தமிழ் English
தேடல்
சுற்றுச்சூழல் செய்திகள்

ராம்சர் COP15

July 31 , 2025 12 hrs 0 min 30 0
  • ஈரநிலங்கள் மீதான ராம்சர் உடன்படிக்கைக்கான ஒப்பந்ததார நாடுகளின் 15வது மாநாடு (COP15) ஜிம்பாப்வேயின் விக்டோரியா நீர்வீழ்ச்சி பகுதியில் நடைபெற்றது.
  • மொத்தம் 172 நாடுகள் இந்த மாநாட்டில் பங்கேற்றன.
  • இந்த மாநாட்டின் கருத்துரு, "Protecting Wetlands for Our Common Future" என்பதாகும்.
  • ஜிம்பாப்வே  நாடானது ராம்சர் உடன்படிக்கையின் மூன்று ஆண்டு கால சுழற்சி முறை தலைமைப் பொறுப்பை சீனாவிடமிருந்து அதிகாரப்பூர்வமாக ஏற்றுக் கொண்டது.
  • உலகளாவிய ஈரநில மறுசீரமைப்பு முயற்சிகளை ஊக்குவிப்பதற்காக விக்டோரியா நீர்வீழ்ச்சி பிரகடனம் தொடங்கப்பட்டது.
  • ஈரநிலங்கள் ஆனது பூமியின் மேற்பரப்பில் 6 சதவீதத்தை மட்டுமே உள்ளடக்கி இருந்தாலும், அதன் சேவைகள் உலகளாவிய மொத்த உள்நாட்டு உற்பத்தியில் (GDP) 7.5 சதவீதத்திற்கும் அதிகமாக மதிப்பிடப்படுகிறது.
  • 2025 ஆம் ஆண்டு உலகளாவிய ஈரநிலக் கண்ணோட்ட அறிக்கையின் சிறப்பு பதிப்பு ஆனது, 2050 ஆம் ஆண்டிற்குள் உலகின் மீதமுள்ள ஈரநிலங்களில் ஐந்தில் ஒரு பங்கு மறைந்துவிடும் என்று எச்சரித்தது.
  • இந்த இழப்பு சுமார் 39 டிரில்லியன் அமெரிக்க டாலர்கள் (USD) என மதிப்பிடப்பட்ட சுற்றுச்சூழல் அமைப்பு சார்ந்த சேவை இழப்புகளுக்கு வழிவகுக்கும்.
  • இந்தியா தற்போது 1.36 மில்லியன் ஹெக்டேர் பரப்பளவிலான 91 ராம்சர் தளங்களைக் கொண்டுள்ளது.
  • இது ஆசியாவின் மிகப்பெரிய மற்றும் உலகின் மூன்றாவது பெரிய பாதுகாக்கப்பட்ட ஈரநில வலையமைப்பை உருவாக்குகிறது.
  • கூடுதலாக, இந்தூர் மற்றும் உதய்ப்பூர் ஆகியவை ஈரநில நகரங்களாக புதிதாக அங்கீகரிக்கப் பட்டுள்ளன.
  • இந்தியாவின் குடிமக்கள் பங்கெடுப்பு வகையிலான முயற்சிகளான சஹ்பாகிதா திட்டம் மற்றும் சேவ் வெட்லேண்ட்ஸ் பிரச்சாரம் ஆகியவை ஈரநில விழிப்புணர்வு மற்றும் வளங்காப்பிற்காக இரண்டு மில்லியனுக்கும் அதிகமான மக்களைத் திரட்டி உள்ளன.
  • COP15 உலகளாவிய ஈரநில மறுசீரமைப்பு நிதியை உருவாக்குவதற்கும், தேசியப் பருவநிலை மற்றும் மேம்பாட்டுச் செயல்பாட்டு நிரல்களில் ஈரநிலக் கொள்கைகளை வலுவாக ஒருங்கிணைப்பதற்கும் அழைப்பு விடுத்தது.
  • நீண்டகாலப் பாதுகாப்பு இலக்குகளை முன்னெடுத்துச் செல்ல ஆப்பிரிக்கா, ஆசியா, அமெரிக்கா, ஐரோப்பா, ஓசியானியா மற்றும் கரீபியன் உள்ளிட்ட பிராந்திய குழுக்களின் உள்ளீடுகளுடன் உத்தி சார் திட்டம் 2025–2034 விவாதிக்கப்பட்டது.


Post Views:
30

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்