சர்வதேசச் செய்திகள்

வங்காளதேசத் தட்டம்மை பரவல்

October 24 , 2026 15 hrs 0 min 9 0

2026 ஆம் ஆண்டில் உலகின் மிக மோசமான தட்டம்மை பரவலை வங்காளதேசம் எதிர் கொண்டு வருவதுடன் மார்ச் மாதத்தின் நடுப்பகுதியிலிருந்து 2.02 லட்சத்திற்கும் அதிகமான சந்தேகத்திற்குரிய பாதிப்புகள் மற்றும் 1,147 இறப்புகள் பதிவாகியுள்ளன.
தட்டம்மை என்பது மிகவும் எளிதில் பரவக்கூடிய ஒரு வைரஸ் நோயாகும். இது முக்கியமாகப் பாதிக்கப்பட்ட நபர் இருமும்போது அல்லது தும்மும்போது வெளியேறும் சுவாசத் துளிகள் மூலம் பரவுகிறது.
தடுப்பூசி செலுத்தப்படும் விகிதம் குறைதல், பதிவு செய்யப்படாத குழந்தைகள், சுகாதாரப் பணியாளர்கள் பற்றாக்குறை மற்றும் பலவீனமான சுகாதாரத் தரவு அமைப்புகள் ஆகியவை இந்தப் பரவலுக்குக் காரணமாக அமைந்துள்ளன.
வங்காளதேசத்தில் பதிவான இறப்புகளில் சுமார் 94% இறப்புகள் ஐந்து வயதுக்குட்பட்ட குழந்தைகளிடையே நிகழ்ந்துள்ளன. அதே வேளையில் சுமார் 22,000 பாதிப்புகள் ஆய்வகங்கள் மூலம் உறுதி செய்யப்பட்டுள்ளன.
தட்டம்மை தடுப்பூசி செலுத்தப்படும் விகிதமானது 2025 ஆம் ஆண்டில் முதல் தவணைக்கு 90% ஆகவும், இரண்டாவது தவணைக்கு 86% ஆகவும் குறைந்துள்ளது. இது நோய்ப்பரவலைத் தடுக்கப் பொதுவாகத் தேவைப்படும் 95% அளவை விடக் குறைவானதாகும்.