தேசியச் செய்திகள்

வாழ்வாதார எளிமையாக்கல் குறியீடு – 2020

March 7 , 2021 1649 days 689 0

மத்திய வீட்டுவசதி மற்றும் நகர்ப்புற விவகாரங்கள் துறை அமைச்சரான ஹர்தீப் சிங் பூரி அவர்கள் வாழ்வாதார எளிமையாக்கல் குறியீடு – 2020 என்பதின் இறுதித் தரவரிசையை அறிவித்துள்ளார்.
வாழ்வாதார எளிமையாக்கல் குறியீடு 2020 என்பதின் கீழ் தரவரிசையானது 1 மில்லியனுக்கும் மேல் மக்கள் தொகையைக் கொண்டுள்ள நகரங்கள் மற்றும் 1 மில்லியனுக்கும் குறைவான மக்கள் தொகையைக் கொண்டுள்ள நகரங்கள் ஆகியவற்றிற்காக அறிவிக்கப்பட்டுள்ளது.
2020 ஆம் ஆண்டில் மேற்கொள்ளப்பட்ட இந்த கள ஆய்வுச் சோதனையில் 11 நகரங்கள் பங்கேற்றன.
மில்லியன்+ பிரிவில் சிறப்பான செயல்பாடு கொண்ட நகரமாக பெங்களூரு நகரம் உருவெடுத்துள்ளது.
மில்லியனுக்கும் குறைவான மக்கள் உள்ள பிரிவில், சிம்லா முதல் இடத்தைப் பிடித்துள்ளது.
வாழ்வாதார எளிமையாக்கல் குறியீடு (EoLI) என்பது வாழ்க்கைத் தரம் மற்றும் நகர்ப்புற மேம்பாட்டிற்கான பல்வேறு முன்னெடுப்புகளின் தாக்கங்களை மதிப்பிடுவதற்கான ஒரு ஆய்வுக் கூறாகும்.
இது வாழ்க்கைத்தரம், பொருளாதாரத் திறன் (நகர்), அதன் நிலைப்புத் தன்மை மற்றும் தாங்குதன்மை அடிப்படையில் இந்தியா முழுவதும் பங்கு பெற்ற நகரங்களின் ஒரு விரிவான புரிதலை அளிக்கின்றது.

நகராட்சி செயல்பாட்டுக் குறியீடு (MPI)

EoLI குறியீட்டைப் போன்று, MPI 2020 என்பதின் கீழ் ஆய்வுச் செயல்திட்டமானது நகராட்சிகளில் உள்ள மக்கள்தொகையின் அடிப்படையில், அவற்றை வகைப்படுத்தி உள்ளது.
அவை மில்லியன்+ (மில்லியன் மக்கள் தொகைக்கு அதிகமாக உள்ள நகராட்சிகள்) மற்றும் மில்லியனுக்கும் குறைவாக உள்ள நகராட்சிகள் என்று வகைப்படுத்தப் பட்டு உள்ளன.
MPI குறியீட்டின் “மில்லியனுக்கும் குறைவாக உள்ள மக்கள் தொகைப் பிரிவில்” புதுதில்லி நகராட்சி ஆணையம் முதல் இடத்தைப் பிடித்துள்ளது.
மில்லியன் + மக்கள் தொகைப் பிரிவில் MPI குறியீட்டில் இந்தூர் முதல் இடத்தைப் பிடித்து உள்ளது.