சர்வதேசச் செய்திகள்

வெறிநாய்க் கடி நோய் ஒழிப்பு - பூடான்

September 9 , 2026 5 days 60 0

பொது சுகாதாரப் பிரச்சனையாக நாய் மூலம் பரவும் வெறிநாய்க் கடி நோயை (Rabies) ஒழித்த உலக சுகாதார அமைப்பின் (WHO) தென்கிழக்கு ஆசிய பிராந்தியத்தில் உள்ள முதல் நாடு என்ற பெருமையை பூடான் பெற்றுள்ளது.
வெறிநாய்க் கடி நோய் என்பது மத்திய நரம்பு மண்டலத்தைப் பாதிக்கும் ஒரு வைரஸ் நோயாகும், மேலும் நோய் அறிகுறிகள் தோன்றிவிட்டால் இது உயிரிழப்பையும் ஏற்படுத்துகிறது.
இது முக்கியமாக பாதிக்கப்பட்ட விலங்குகளின் உமிழ்நீர் மூலம், குறிப்பாக கடிப்பதால் பரவுகிறது.
உலகளவில் மனித வெறிநாய்க் கடி நோய் இறப்புகளில் சுமார் 99% நாய்களால் ஏற்படுகின்றன.
உலகளவில், வெறிநாய்க் கடி நோய் ஒவ்வொரு ஆண்டும் சுமார் 59,000 மனித இறப்புகளை ஏற்படுத்துகிறது, இதில் மூன்றில் ஒரு பங்கு இந்தியாவில் நிகழ்கிறது.
தேசிய வெறிநாய்க் கடி நோய் கட்டுப்பாட்டு திட்டத்தின் கீழ் 2030 ஆம் ஆண்டிற்குள் மனித வெறிநாய்க் கடி நோய் இறப்புகளை பூஜ்ஜியமாகக் கொண்டுவர இந்தியா இலக்கு வைத்துள்ளது.