தமிழ்நாட்டுச் செய்திகள்

வெற்றிப் பயணம் திட்டம் குறித்த வழக்கு தள்ளுபடி

October 7 , 2026 5 days 107 0

தமிழ்நாட்டின் 'வெற்றிப் பயணம்' திட்டத்தின் அரசியலமைப்புச் செல்லுபடியை எதிர்த்துத் தாக்கல் செய்யப்பட்ட நீதிப் பேராணை மனுவை சென்னை உயர்நீதிமன்றம் தள்ளுபடி செய்தது.
2026 ஆம் ஆண்டு அக்டோபர் 02 முதல் தமிழ்நாடு முழுவதும் உள்ள 12,695 அரசுப் பேருந்துகளில் தினமும் 84.32 லட்சம் பெண்களுக்கு கட்டணமில்லாப் பயணத்தை இத்திட்டம் வழங்குகிறது.
அரசுப் பேருந்துகளில் மட்டும் இலவசப் பயணம் வழங்குவது, பேருந்துப் போக்குவரத்தில் சமமான போட்டிச் சூழலைப் பாதிப்பதன் மூலம் சரத்து 14-ஐ (சமத்துவ உரிமை) மீறுவதாக அமையும் என்று மனுதாரர் வாதிட்டார்.
மேலும், மோட்டார் வாகனச் சட்டம், 1988 மற்றும் தமிழ்நாடு மோட்டார் வாகன விதிகள், 1989 ஆகியவற்றை மேற்கோள் காட்டிய மனுதாரர், பயணிகளிடம் கட்டணம் வசூலிப்பது கட்டாயம் என்றும் வாதிட்டார்.
தமிழ்நாடு சட்டப்பேரவையில் விதி 110-இன் கீழ் வெளியிடப்பட்ட அறிவிப்பையும், அது தொடர்பான செய்தி மற்றும் மக்கள் தொடர்புத் துறையின் வெளியீட்டையும் மட்டுமே மனுதாரர் எதிர்த்து வழக்கு தொடர்ந்துள்ளதாகவும் , இத்திட்டத்தை அறிமுகப்படுத்தும் அரசாணையை எதிர்க்கவில்லை என்றும் நீதிமன்றம் சுட்டிக்காட்டியது.