TNPSC Thervupettagam
✖
 
05, Dec 2025
TNPSC Group I Topper Corner
தமிழ் English
தேடல்
தேசியச் செய்திகள்

அடிப்படை கால்நடைப் பராமரிப்பு குறித்தப் புள்ளி விவரங்கள் 2025

November 30 , 2025 5 days 52 0
  • தேசியப் பால் தினமான 2025 ஆம் ஆண்டு நவம்பர் 26 ஆம் தேதியன்று மீன்வளம், கால் நடைப் பராமரிப்பு மற்றும் பால்வள அமைச்சகம் ஆனது 2025 ஆம் ஆண்டு அடிப்படை கால்நடைப் பராமரிப்பு குறித்த புள்ளி விவரங்கள் (BAHS) அறிக்கையை வெளியிட்டது.
  • 2024–25 ஆம் ஆண்டு ஒருங்கிணைந்த மாதிரி கணக்கெடுப்பினை (ISS) அடிப்படையாகக் கொண்ட இந்த அறிக்கையானது, பால், முட்டை, இறைச்சி, கம்பளி, கால்நடை எண்ணிக்கை மற்றும் தொடர்புடைய உள்கட்டமைப்பு பற்றியத் தரவுகளை வழங்குகிறது.
  • 247.87 மில்லியன் டன் பால் உற்பத்தியுடன், உலகளாவியப் பால் உற்பத்தியில் இந்தியா முதல் இடத்தில் உள்ளது.
  • மேலும், இந்தியாவில் தனி நபருக்குப் பால் கிடைக்கும் விகிதம் (2014-15 ஆம் ஆண்டில்) ஒரு நாளைக்கு 319 கிராமிலிருந்து (கிராம்) சுமார் 485 கிராமாக (2024-25 ஆம் ஆண்டில்) அதிகரித்துள்ளது.
  • பால் உற்பத்தியில் முன்னணியில் உள்ள மாநிலங்கள் உத்தரப் பிரதேசம், ராஜஸ்தான், மத்தியப் பிரதேசம், குஜராத் மற்றும் மகாராஷ்டிரா ஆகியனவாகும்.
  • முட்டை உற்பத்தி 149.11 பில்லியனை எட்டியதுடன், இந்தியா இதில் உலகளவில் 2வது இடத்தில் உள்ளது.
  • முட்டை உற்பத்தியில் முதல் 5 மாநிலங்கள்: ஆந்திரப் பிரதேசம் 18.37% பங்கைக் கொண்டுள்ளது, அதைத் தொடர்ந்து தமிழ்நாடு (15.63%), தெலுங்கானா (12.98%), மேற்கு வங்காளம் (10.72%), மற்றும் கர்நாடகா (6.67%).
  • 10.50 மில்லியன் டன்கள் அளவிலான இறைச்சி உற்பத்தியுடன் இந்தியா உலகளவில் 4வது இடத்தில் உள்ளது.
  • இறைச்சி உற்பத்தியில் முதல் 5 மாநிலங்கள்: மேற்கு வங்கம் 12.46% பங்கைக் கொண்டு உள்ளது, அதைத் தொடர்ந்து உ.பி. (12.20%), மகாராஷ்டிரா (11.57%), ஆந்திரா (10.84%) மற்றும் தெலுங்கானா (10.49%).
  • கம்பளி உற்பத்தி 34.57 மில்லியன் கிலோ ஆக உள்ளது.
  • கம்பளி உற்பத்தியில் முதல் 5 மாநிலங்கள்: ராஜஸ்தான் 47.85% பங்கைக் கொண்டு உள்ளது, அதைத் தொடர்ந்து ஜம்மு & காஷ்மீர் (22.88%), குஜராத் (6.22%), மகாராஷ்டிரா (4.75%) மற்றும் இமாச்சலப் பிரதேசம் (4.30%).
  • இந்தப் புள்ளி விவரங்கள் இந்தியாவின் கால்நடை மற்றும் பால் துறையில் கொள்கை வகுத்தல், ஆராய்ச்சி மற்றும் நிலையான வளர்ச்சியை ஆதரிக்கின்றன.

 


Post Views:
52

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்