தேசியச் செய்திகள்

இந்தியாவின் மெகா துறைமுகங்கள்

October 1 , 2026 6 days 71 0

துறைமுகங்கள், கப்பல் போக்குவரத்து மற்றும் நீர்வழிப் போக்குவரத்து அமைச்சகம், 2025 ஆம் ஆண்டு இந்தியத் துறைமுகங்கள் சட்டத்தின் கீழ் நான்கு துறைமுகங்களை மெகா துறைமுகங்களாக அறிவித்துள்ளது.
குஜராத்தின் தீனதயாள் துறைமுகம் (காண்ட்லா), மகாராஷ்டிராவின் ஜவஹர்லால் நேரு துறைமுகம் (நவா ஷேவா), ஒடிசாவின் பாரதீப் துறைமுகம் மற்றும் குஜராத்தின் முந்த்ரா துறைமுகம் ஆகியவையே அந்த நான்கு மெகா துறைமுகங்களாகும்.
ஒரு நிதியாண்டில் 150 மில்லியன் மெட்ரிக் டன் (MMT) அளவிலான மொத்த சரக்குகளை அல்லது 7.5 மில்லியன் இருபது அடிக்கு சமமான அலகுகள் (MTEUs) அளவிலான கொள்கலன் சரக்குகளை கையாளும் ஒரு துறைமுகம் மெகா துறைமுகமாக தகுதி பெறுகிறது.
இந்த மெகா துறைமுக வகைப்பாடு, ஒரு துறைமுகத்தின் தற்போதைய பெரிய அல்லது பெரியதல்லாத துறைமுகம் என்ற வகைப்பாட்டை மாற்றாது.
இந்த நான்கில் முன்னர் பெரியதல்லாத துறைமுகமாக வகைப்படுத்தப்பட்டிருந்த ஒரே துறைமுகம் முந்த்ரா துறைமுகம் மட்டுமேயாகும்.
மெகா துறைமுக அந்தஸ்து 5 ஆண்டுகளுக்கு செல்லுபடியாகும், அதன்பிறகு பரிந்துரைக்கப் பட்ட சரக்கு வரம்பின் அடிப்படையில் இது மறுமதிப்பீடு செய்யப் படுகிறது.