தேசியச் செய்திகள்

இந்தியாவில் வணிக ரீதியான நிலக்கரிச் சுரங்கம்

August 10 , 2026 4 days 56 0

2020-ஆம் ஆண்டில் வணிகரீதியான நிலக்கரி ஏலங்கள் தொடங்கப்பட்டதிலிருந்து, உள்நாட்டு நிலக்கரி உற்பத்தி தொடர்ந்து இரண்டு ஆண்டுகளாக ஒரு பில்லியன் டன்களைத் தாண்டியுள்ளதுடன், தனியார் துறையின் பங்களிப்பும் கணிசமாக விரிவடைந்துள்ளது.
நிலக்கரி நாட்டின் முதன்மை ஆற்றல் தேவைகளில் கிட்டத்தட்ட 55 சதவீதத்தைப் பூர்த்தி செய்வதுடன், மின்சார உற்பத்தியில் 70 சதவீதத்திற்கும் அதிகமாகப் பங்களிக்கிறது.
இந்தியா உலகின் ஐந்தாவது பெரிய நிலக்கரி வளங்களைக் கொண்டுள்ளதுடன், உலகளவில் நிலக்கரியின் இரண்டாவது பெரிய உற்பத்தியாளராகவும் நுகர்வோராகவும் திகழ்கிறது.
350-க்கும் மேற்பட்ட சுரங்கங்களில் சுமார் ஐந்து லட்சம் சுரங்கத் தொழிலாளர்கள் நிலக்கரி உற்பத்தியில் ஈடுபட்டுள்ளனர்.
அதனைத் தொடர்ந்து, 2015-ஆம் ஆண்டின் நிலக்கரிச் சுரங்கங்கள் (சிறப்பு ஏற்பாடுகள்) சட்டம், வெளிப்படையான ஏலங்கள் மூலம் நிலக்கரித் தொகுதிகளை மறுஒதுக்கீடு செய்வதற்கான ஒரு சட்டப்பூர்வ கட்டமைப்பை நிறுவியது.
2020-ஆம் ஆண்டில், வணிகரீதியான நிலக்கரிச் சுரங்கம் தொடங்கப்பட்டது.
இந்தச் சீர்திருத்தம், நிறுவனங்கள் நிலக்கரியை எந்தவொரு நுகர்வோருக்கும் சந்தை விலையில் சுதந்திரமாக விற்க அனுமதித்ததுடன், நிலக்கரியை சொந்தத் தேவைகளுக்கு மட்டுமே பயன்படுத்த முடியும் என்ற முந்தைய கட்டுப்பாட்டையும் நீக்கியது.
புதிய ஆட்சிமுறையானது, ஒரு டன்னுக்கு நிர்ணயிக்கப்பட்ட கட்டண முறைக்கு பதிலாக, வருவாய் பகிர்வு மாதிரியை அறிமுகப்படுத்தியது. இதன் கீழ், வெற்றிகரமான ஏலதாரர்கள், தேசிய நிலக்கரி குறியீட்டுடன் இணைக்கப்பட்ட தங்கள் வருவாயின் ஒரு சதவீதத்தை அரசாங்கத்திற்குச் செலுத்துகின்றனர்.
மேலும் இது, தானியங்கி வழிமுறையின் மூலம் 100 சதவீத நேரடி வெளிநாட்டு முதலீட்டையும் அனுமதிக்கிறது.