தேசியச் செய்திகள்

இந்திய மருந்தக ஆணையம் - WHO அங்கீகாரம்

August 10 , 2026 4 days 72 0

இந்திய மருந்தக ஆணையத்தை (IPC) மருந்தியல் கண்காணிப்புக்கான தென்கிழக்கு ஆசியப் பிராந்தியச் சிறப்பு மையம் மற்றும் மருந்துகளின் தரத்திற்கான தொழில் நுட்ப மையமாக உலக சுகாதார அமைப்பு (WHO) அங்கீகரித்துள்ளது.
நேபாளத்தின் காத்மாண்டுவில் நடைபெற்ற தென்கிழக்கு ஆசிய ஒழுங்குமுறை வலைப்பின்னலின் (SEARN) 10வது ஆண்டு கூட்டத்தின் போது இந்த அங்கீகாரம் அறிவிக்கப்பட்டது.
உறுப்பு நாடுகளிடையே மருந்து ஒழுங்குமுறை அமைப்புகளை வலுப்படுத்தச் செய்வதற்காக உலக சுகாதார அமைப்பின் தென்கிழக்கு ஆசியப் பிராந்திய அலுவலகத்தால் (SEARO) 2016 ஆம் ஆண்டில் SEARN நிறுவப்பட்டது.
பிராந்தியம் முழுவதும் மருந்து பாதுகாப்பு கண்காணிப்பு, மருந்து தரத் தரநிலைகள் மற்றும் ஒழுங்குமுறை திறன் மேம்பாடு ஆகியவற்றில் இந்திய மருந்தக ஆணையத்தின் பணிகளை இந்த அங்கீகாரம் ஏற்றுக்கொள்கிறது.