தேசியச் செய்திகள்

உலகளாவிய 6G வலையமைப்பு முன்னெடுப்பு

September 13 , 2026 9 hrs 0 min 34 0

வெளிப்படையான, இயங்கக்கூடிய, பாதுகாப்பான மற்றும் மீள்திறன் கொண்ட 6G வலையமைப்புகளை மேம்படுத்துவதற்காக ஒத்த சிந்தனையுள்ள 24 நாடுகளுடன் இணைந்து, 2026 ஆம் ஆண்டு செப்டம்பர் 9 அன்று 6G தலைமை மற்றும் பாதுகாப்பிற்கான செயல் அழைப்புக்கு இந்தியா ஒப்புதல் அளித்தது.
அமெரிக்காவின் வட கரோலினாவில் நடைபெற்ற G20 புத்தாக்க அமைச்சர்கள் கூட்டத்தின் ஒரு பகுதியாக இந்த முன்னெடுப்பு அறிவிக்கப்பட்டது.
அரசு முகமைகள், தொழில்துறை மற்றும் கல்வியாளர்களுடன் இந்தியாவின் பங்களிப்பை தொலைத்தொடர்புத் துறை (DoT) ஒருங்கிணைக்கும்.
உலகளாவிய 6G தரநிலைகள் மற்றும் காப்புரிமைகளில் 10% பங்களிக்கவும், பாரத் 6G தொலைநோக்கு மற்றும் பாரத் 6G கூட்டணி ஆகியவற்றை கட்டமைக்கவும் இந்தியா இலக்கு வைத்துள்ளது.
இந்த முன்னெடுப்பானது 6G ஆராய்ச்சி, இணையப் பாதுகாப்பு, மீள்திறன் கொண்ட விநியோகச் சங்கிலிகள் மற்றும் உலகளாவிய 6G தரநிலைகளில் கவனம் செலுத்துகிறது.