சர்வதேசச் செய்திகள்

ஆசியான் (ASEAN) நாடுகளில் ஏற்றுமதி வளர்ச்சி

October 22 , 2026 14 hrs 0 min 28 0

2026 ஆம் ஆண்டு ஏப்ரல் முதல் ஆகஸ்ட் மாதம் வரையிலான காலகட்டத்தில் இந்தியாவின் ஏற்றுமதியில் வேகமாக வளரும் பிராந்திய இடமாக தென்கிழக்கு ஆசிய நாடுகளின் சங்கம் (ASEAN) உருவெடுத்துள்ளது. இதில் பெட்ரோலியப் பொருட்களின் ஏற்றுமதி காரணமாக 56% அதிகரிப்பு ஏற்பட்டுள்ளது.
ஆசியான் நாடுகளுக்கான இந்தியாவின் பெட்ரோலியப் பொருட்களின் ஏற்றுமதி 2.4 மடங்கு அதிகரித்து 6.1 பில்லியன் அமெரிக்க டாலர்களாக உயர்ந்துள்ளதுடன் இந்த ஏற்றுமதியில் சிங்கப்பூர் மட்டும் நான்கில் மூன்று பங்கைக் கொண்டுள்ளது.
ஆசியான் நாடுகளுக்கான கணினி வன்பொருள் ஏற்றுமதி 20 மடங்கு அதிகரித்து 1.4 பில்லியன் அமெரிக்க டாலர்களாகவும், மின் இயந்திர ஏற்றுமதி 82% அதிகரித்து 1.6 பில்லியன் அமெரிக்க டாலர்களாகவும் உயர்ந்துள்ளது.
ஐரோப்பிய ஒன்றியத்திற்கான (EU) இந்தியாவின் ஏற்றுமதி மிகக் குறைந்த வேகத்தில் வளர்ச்சி அடைந்துள்ளது. பெட்ரோலியப் பொருட்களின் ஏற்றுமதி 21% சரிந்து 4.6 பில்லியன் அமெரிக்க டாலர்களாக உள்ளது.
ஸ்பெயினுக்கான இந்தியாவின் ஏற்றுமதி 54% அதிகரித்து 3.5 பில்லியன் அமெரிக்க டாலர்களாக உயர்ந்துள்ளது. இத்தாலிக்கான பெட்ரோலியப் பொருட்களின் ஏற்றுமதி 4 மில்லியன் அமெரிக்க டாலர்களில் இருந்து 659 மில்லியன் அமெரிக்க டாலர்களாக அதிகரித்துள்ளது.
தென்கிழக்கு ஆசிய நாடுகளின் கூட்டமைப்பு (ASEAN) 1967 ஆம் ஆண்டு ஆகஸ்ட் 8 அன்று தாய்லாந்தின் பாங்காக்கில் 'பாங்காக் பிரகடனத்தின்' மூலம் நிறுவப்பட்டது.
புருனே, கம்போடியா, இந்தோனேஷியா, லாவோஸ், மலேசியா, மியான்மர், பிலிப்பைன்ஸ், சிங்கப்பூர், தாய்லாந்து, தைமூர்-லெஸ்டே மற்றும் வியட்நாம் ஆகிய 11 உறுப்பு நாடுகளை ஆசியான் கொண்டுள்ளது மற்றும் ஆசியானில் இந்தியா உறுப்பு நாடாக இல்லை.