TNPSC Thervupettagam
✖
 
16, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

சிறப்புப் பாதுகாப்புப் படை (திருத்த) மசோதா - 2019

December 9 , 2019 2077 days 674 0
  • 2019 ஆம் ஆண்டுக்கான சிறப்புப் பாதுகாப்புப் படை (திருத்த) மசோதாவை (Special Protection Group - SPG) நாடாளுமன்றம் நிறைவேற்றியுள்ளது.
  • SPG மசோதாவானது 1988 ஆம் ஆண்டு SPG சட்டத்தில் திருத்தம் செய்துள்ளது.
  • மசோதாவில் முன்மொழியப்பட்ட திருத்தங்களானவை அரசு நிதியில் “மிக முக்கியமான நபரது பாதுகாப்பின்” மீதான நிதிச் சுமையைக் குறைப்பதை நோக்கமாகக் கொண்டுள்ளது.

திருத்தங்கள்

  • SPG பாதுகாப்பு குறைப்பு - பிரதமர், முன்னாள் பிரதமர்கள் மற்றும் அவர்களது நெருங்கிய குடும்ப உறுப்பினர்களுக்கு (அவருடன் அவரது அதிகாரப்பூர்வ இல்லத்தில் வசிக்கும்) மட்டுமே பாதுகாப்பு வழங்கப்படும்.
  • கால அவகாசம் குறைப்பு - முன்னாள் பிரதமர்கள் மற்றும் அவர்களது நெருங்கிய குடும்பத்தினருக்கு அவர்கள் பதவியை விட்டு விலகிய பின் ஐந்து வருட காலத்திற்கு மட்டுமே பாதுகாப்பு வழங்கப் படும்.

சிறப்புப் பாதுகாப்புப் படை பற்றி

  • பிரதமர், முன்னாள் பிரதமர்கள் மற்றும் அவர்களது உடனடி குடும்ப உறுப்பினர்களுக்குப் பாதுகாப்பு வழங்குவதற்காக 1985 ஆம் ஆண்டில் SPG படை தோற்றுவிக்கப் பட்டது.
  • 1984 ஆம் ஆண்டில் அப்போதையப் பிரதமரான இந்திரா காந்தி தனது சொந்த மெய்க் காவலர்களால் படுகொலை செய்யப்பட்ட பின்னர் இது நிறுவப்பட்டது.
  • SPG ஆனது மத்திய ரிசர்வ் காவல் படை, எல்லைப் பாதுகாப்புப் படை மற்றும் பிற மத்திய & மாநிலக் காவல் படையினரைக் கொண்டுள்ளது.
  • குறைந்த அச்சுறுத்தல் காரணமாக இந்தியக் குடியரசுத் தலைவருக்கு  SPG பாதுகாப்பு  வழங்கப் படுவதில்லை. இவர் இந்திய இராணுவத்தின் குடியரசுத் தலைவருக்கான  பாதுகாப்புப்  படைப் பிரிவால் பாதுகாக்கப் படுகிறார்.

Post Views:
674

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்