தமிழ்நாட்டுச் செய்திகள்

தமிழ்நாடு வேளாண்மை நிதிநிலை அறிக்கை 2026–27

August 8 , 2026 5 days 134 0

2026-27 ஆம் ஆண்டிற்கான வேளாண்மை நிதிநிலை அறிக்கையை சட்டப்பேரவையில் தமிழ்நாடு வேளாண்மை மற்றும் உழவர் நலத்துறை அமைச்சர் ஆர்.வினோத் தாக்கல் செய்தார்.
இந்த நிதிநிலை அறிக்கையானது விவசாயிகளின் நலன், நவீன தொழில்நுட்பம், நீர்ப் பாசனம், பயிர் பாதுகாப்பு மற்றும் நிலையான வேளாண்மை ஆகியவற்றில் கவனம் செலுத்துகிறது.
வேளாண் இயந்திரமயமாக்கல் முன்னெடுப்பின் கீழ், ₹227.2 கோடி ஒதுக்கீட்டில் 24,000 விவசாயிகளுக்கு மானிய விலையில் விவசாய இயந்திரங்கள் வழங்கி ஆதரவளிக்கப் படும்.
உழவர் செயற்கை நுண்ணறிவுத் திட்டமானது வானிலை அறிவிப்புகள், மண்வளக் கண்காணிப்பு மற்றும் சந்தைத் தகவல்களுக்காக செயற்கை நுண்ணறிவு (AI) மற்றும் இயந்திரக் கற்றல் (ML) கருவிகளைப் பயன்படுத்தும்; இதற்காக ₹2 கோடி ஒதுக்கப் பட்டுள்ளது.
விவசாயிகளுக்கான இலவச மின்சாரத் திட்டத்திற்கு 2026-27 ஆம் நிதியாண்டிற்கு ₹7,432 கோடி ஒதுக்கப்படும்.
விவசாய நிலங்களில் ஊட்டச்சத்து அளவை மேம்படுத்த மண்வள மேம்பாட்டு நடவடிக்கைகள் ₹600 கோடியில் செயல்படுத்தப்படும்.
உரங்களின் திறமையான பயன்பாட்டை ஊக்குவிப்பதற்காக 1 லட்சம் விவசாயிகளுக்கு மண்வள அட்டைகள் வழங்கப்படும்; இதற்காக ₹4 கோடி ஒதுக்கப் பட்டுள்ளது.
விவசாய நிலங்களைச் சுற்றி மரக்கன்றுகள் நடுவதை ஊக்குவிப்பதன் மூலம் வேளாண் காடுகளை மேம்படுத்த 'வேளாண் காடுகள் திட்டம்' ₹17.7 கோடியில் செயல் படுத்தப் படும்.
மனித-வனவிலங்கு மோதலின் தாக்கங்களைக் குறைக்க காட்டுப்பன்றிகள் மற்றும் யானைகளிடமிருந்து பயிர்களைப் பாதுகாக்கும் நடவடிக்கைகள் ₹7.35 கோடியில் பலப்படுத்தப்படும்.
அண்ணல் அம்பேத்கர் வேளாண் உதவித் திட்டமானது, சிறு மற்றும் குறு பட்டியலிடப்பட்ட சாதியினர் (SC) மற்றும் பட்டியலிடப்பட்ட பழங்குடியின (ST) விவசாயிகளுக்கு ₹56.7 கோடியில் ஆதரவளிக்கும்.
தமிழ்நாடு சிறுதானியத் திட்டம், சிறுதானிய சாகுபடி மற்றும் உற்பத்தியானது ₹63.81 கோடியில் விரிவுபடுத்தப்படும்.
பருத்திப் புரட்சி திட்டமானது, ஐந்து ஆண்டுத் திட்டத்தின் மூலம் பருத்தி விவசாயிகளுக்கு ₹27.2 கோடியில் ஆதரவளிக்கும்.
சின்ன வெங்காயத்திற்கான சேமிப்பு வசதிகள் 57,000 மெட்ரிக் டன் கொள்ளளவுடன் ₹22 கோடி ஒதுக்கீட்டில் நிறுவப்படும்.
வெற்றி வான்மகள் திட்டத்தின் கீழ், 100 பெண் விவசாயிகள் உட்பட 500 விவசாயிகளுக்கு ஆளில்லா விமானத் தொழில்நுட்பத்தில் பயிற்சி அளிக்கப்படும்; இதற்காக ₹4 கோடி ஒதுக்கப்பட்டுள்ளது.
தமிழ்நாட்டிலிருந்து வேளாண் ஏற்றுமதியை மேம்படுத்த ₹8.4 கோடி ஒதுக்கப்படும்.
அடுத்த ஐந்து ஆண்டுகளில் ஆண்டிற்கான உணவு தானிய உற்பத்தியை 131 லட்சம் மெட்ரிக் டன்னாக உயர்த்த மாநில அரசு இலக்கு நிர்ணயித்துள்ளது.