TNPSC Thervupettagam
✖
 
13, Sep 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழ்நாட்டிற்கான நிலையான கடன்-மொத்த மாநில உள்நாட்டு உற்பத்தி விகிதம்

September 7 , 2026 6 days 111 0
  • மாநிலத்தின் கடன்-மொத்த மாநில உள்நாட்டு உற்பத்தி (GSDP) விகிதத்தின் நிலையான அளவு 23% ஆகும்.
  • தற்போதுள்ள 27% என்ற அளவை குறைக்க வேண்டும் என்ற கோரிக்கை எழுந்துள்ளது.
  • முன்னாள் ஆட்சி அலுவலர் என்.கே. சிங் தலைமையிலான நிதிப் பொறுப்பு மற்றும் வரவு செலவு மேலாண்மைக் குழு (FRBM), 2017-ஆம் ஆண்டில் தயாரித்த தனது அறிக்கையில், பொதுவாக மாநிலங்களுக்கு 20% என்பதே விவேகமான வரம்பு என பரிந்துரைத்துள்ளது.
  • கடந்த ஐந்தாண்டுகளில் ஏற்பட்டுள்ள பேரியல் பொருளாதாரக் காரணிகளின் முன்னேற்றத்தைக் கருத்தில் கொண்டு, தமிழ்நாட்டிற்கு கூடுதலாக மூன்று சதவீதப் புள்ளிகள் வரை சலுகை வழங்கலாம்.
  • கடன் வாங்குவது என்பது விரும்பத்தகாத செயல் அல்ல என்றும், அது வளர்ச்சித் திட்டங்களுக்கு நிதியளிப்பதற்கான முக்கிய ஆதாரங்களில் ஒன்றாகும் என்றும் வலியுறுத்தப்படுகிறது.
  • கடன் வாங்கிய நிதிகள், பொருளாதார வளர்ச்சியையும் எதிர்கால வருமானத்தையும் உருவாக்கும் உற்பத்திச் சொத்துக்களிலும் உள்கட்டமைப்புகளிலும் முதலீடு செய்யப்படும்போது, அரசாங்கத்தால் அதிகரித்த வருமானத்துடன் தனது கடனைத் திருப்பிச் செலுத்த முடியும்.
  • இருப்பினும், கடன்-மொத்த மாநில உள்நாட்டு உற்பத்தி விகிதம் விவேகமான அளவைத் தாண்டும்போது, அது நிலைத் தன்மையற்றதாகி, எதிர்காலத்திற்கான கடன் சேவைச் சுமை மிக அதிகமாகிறது.
  • இது உற்பத்திச் செலவினங்களைக் குறைத்து, அரசாங்கத்தைக் கடன் பொறியில் தள்ளுகிறது.
  • கடன் பொறி என்பது "வளர்ச்சி, வளர்ச்சி மற்றும் நிலைத்தன்மைக்கு மோசமானது.
  • கடன் பிரச்சினை தமிழகத்தில் மட்டும் இல்லாமல் நாடு முழுவதும் பரவலாக உள்ளது.
  • குஜராத், ஒடிசா மற்றும் மகாராஷ்டிரா ஆகிய மூன்று மாநிலங்கள் மட்டுமே கடன்-GSDP விகிதங்களை 20%க்கும் குறைவாக கொண்டுள்ளன.
  • மற்ற அனைத்தும் வரம்பைத் தாண்டியிருந்தாலும், ஒன்பது மாநிலங்கள் - ஆந்திரப் பிரதேசம், பீகார், கேரளா, மத்தியப் பிரதேசம், பஞ்சாப், ராஜஸ்தான், தெலுங்கானா, உத்தரப் பிரதேசம் மற்றும் மேற்கு வங்கம் - தமிழ்நாட்டை விட அதிக விகிதங்களைக் கொண்டுள்ளன.
  • மற்ற மாநிலங்களைப் போலவே, தமிழ்நாட்டில் கடன்-GSDP விகிதம் கோவிட்-19 தொற்றுநோய் ஆண்டில் (2020-21) அதிகரித்தது, அதிலிருந்து மீண்டு வர முடியவில்லை.

  • 2019-20 ஆம் ஆண்டில் இது 22.78% ஆக இருந்தது.
  • அடுத்த ஆண்டு, 28.67% ஆக உயர்ந்தது.
  • அன்றிலிருந்து இது 28% முதல் 26% வரையில் மிதந்து வருகிறது.
  • தமிழ்நாட்டின் நிதிப்பற்றாக்குறையை GSDP-யில் 3% ஆக வைத்திருக்க முடிந்ததற்கு பாராட்டுக்குரியது என்றாலும், வருவாய்ப் பற்றாக்குறை (வருவாய் வரவுகளை விட வருவாய் செலவினம்) GSDP-யில் 1.4% ஆகும்.
  • அதாவது, கடன் வாங்கிய பணத்தில் கிட்டத்தட்ட 50% நுகர்வுக்காக செலவிடப்படுகிறது, முதலீட்டிற்காக அல்ல.
  • 2050-51 ஆம் ஆண்டில் கடன்-GSDP விகிதமான 23% என்ற நிலையான நிலையை அடைய, மாநிலம் ஆண்டுதோறும் 15% பெயரளவு பொருளாதார வளர்ச்சியை அடைய வேண்டும் மற்றும் நிதிப் பற்றாக்குறையை 3% ஆக வைத்திருக்க வேண்டும்.
  • அது விரைவாக நிலையை அடைய விரும்பினால், குறைந்தபட்சம், நிதிப் பற்றாக்குறையைக் குறைக்க வேண்டும்.
  • எடுத்துக்காட்டாக, 14% பெயரளவு பொருளாதார வளர்ச்சியுடன் நிதிப் பற்றாக்குறையை 2.5% ஆக வைத்திருக்க முடியும் என்று கருதினால், அது 2033-34 ஆம் ஆண்டுக்குள் 23% ஐ எட்டும்.
  • செலவினப் பகுத்தறிவை வலுவாக ஆதரிப்பதன் மூலம், காலாவதியான மற்றும் பயனற்ற நலத்திட்டங்களை கைவிட அரசாங்கம் தயங்கக் கூடாது.

Post Views:
111

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்