தமிழ்நாட்டுச் செய்திகள்

தீயணைப்பு மற்றும் மீட்புப் பணிகள் சட்டத் திருத்தம்

September 6 , 2026 7 days 80 0

தமிழ்நாடு தீயணைப்பு மற்றும் மீட்புப் பணிகள் சட்டம், 2025-ஐ திருத்துவதற்கான மசோதா 2026 ஆம் ஆண்டு செப்டம்பர் 3 அன்று தமிழ்நாடு சட்டமன்றத்தில் அறிமுகப் படுத்தப் பட்டது.
2026 ஆம் ஆண்டு ஏப்ரல் 30 அன்று அரசிதழ் அறிவிப்பின் மூலம் இந்திய தர நிர்ணய பணியகம் (BIS) அதனை திரும்பப் பெற்றதைத் தொடர்ந்து, இந்திய தேசிய கட்டடக் குறியீடு, 2016-க்கான குறிப்புகளை நீக்க இந்த மசோதா வகை செய்கிறது.
தீயணைப்பு மற்றும் கட்டட விதிமுறைகளை நவீனப்படுத்துவதற்கான வணிக சீர்திருத்த செயல் திட்டத்தின் (BRAP), 2026 பரிந்துரைகளைத் தொடர்ந்து இந்தத் திருத்தம் மேற்கொள்ள ப்பட்டுள்ளது.
தேசிய கட்டடக் குறியீட்டிற்கான குறிப்புகளுக்குப் பதிலாக தீயணைப்பு மற்றும் கட்டட விதிகளுக்கான தாராளமயமாக்கப்பட்ட மற்றும் நவீன தரநிலைகளை இது முன் மொழிகிறது.
முன்மொழியப்பட்ட இந்தத் திருத்தமானது, கட்டுமான அனுமதி மற்றும் கட்டட விதிமுறைகள் தொடர்பான 2026 ஆம் ஆண்டு வணிகச் சீர்திருத்த செயல் திட்டத்தின் (BRAP) பரிந்துரைகளுடன் தமிழ்நாட்டின் தீயணைப்பு மற்றும் கட்டடச் சட்டங்களை ஒருங்கிணைக்கத் திட்டமிட்டுள்ளது.