தேசியச் செய்திகள்

நீர்வாழ் உயிரி வளர்ப்பு காப்பீட்டு முன்னெடுப்பு

October 3 , 2026 4 days 63 0

பிரதம மந்திரி மத்ஸ்ய கிசான் சம்ரிதி சாஹ்-யோஜனா (PM-MKSSY) திட்டத்தின் கீழ் 40% பிரீமியம் ஊக்கத்தொகையுடன் நீர்வாழ் உயிரி வளர்ப்பு காப்பீட்டை அரசு ஊக்குவித்து வருகிறது.
2024-25 ஆம் ஆண்டில் இந்தியா 19.8 மில்லியன் டன் என்ற இதுவரை இல்லாத அளவிலான மீன் உற்பத்தியைப் பதிவு செய்துள்ளது. இது உலகளாவிய உற்பத்தியில் சுமார் 8% ஆகும், இதன் மூலம் உலகின் இரண்டாவது பெரிய மீன் உற்பத்தி நாடாக இந்தியா உருவெடுத்துள்ளது.
இந்தியாவின் மொத்த மீன் உற்பத்தியில் 74% க்கும் அதிகமான பங்கை நீர்வாழ் உயிரி வளர்ப்பு அளிக்கிறது என்ற நிலையில் இதில் கெண்டை மீன், இறால், கூண்டு மற்றும் கடல்சார் பண்ணை வளர்ப்பு ஆகியவை அடங்கும்.
இந்தியாவில் சுமார் 14.1 லட்சம் ஹெக்டேர் உவர் நீர் பரப்பளவு உள்ளது, ஆனால் அதில் சுமார் 17% மட்டுமே நீர்வாழ் உயிரி வளர்ப்பிற்காக மேம்படுத்தப்பட்டுள்ளது.
இந்தியாவில் சுமார் 1.95 லட்சம் கிலோமீட்டர் ஆறுகள் மற்றும் கால்வாய்களும், 31.5 லட்சம் ஹெக்டேர் நீர்த்தேக்கங்களும், 22.1 லட்சம் ஹெக்டேர் குளங்கள் மற்றும் தொட்டிகளும் உள்ளன.