பிரபலமானவர்கள், விருதுகள் மற்றும் நிகழ்வுகள்

COSPAR விக்ரம் சாராபாய் பதக்கம் 2026

August 6 , 2026 6 days 125 0

விண்வெளி ஆராய்ச்சிக்கான தனது பங்களிப்பிற்காக வானியற்பியல் அறிவியலாளர் அன்னபூர்ணி சுப்பிரமணியம் 2026 ஆம் ஆண்டிற்கான COSPAR விக்ரம் சாராபாய் பதக்கத்தைப் பெற்றார்.
இந்திய விண்வெளித் திட்டத்தின் தந்தை டாக்டர் விக்ரம் சாராபாய் அவர்களை கௌரவிக்கும் வகையில் விக்ரம் சாராபாய் பதக்கம் 1990 ஆம் ஆண்டில் நிறுவப்பட்டது.
வளரும் நாடுகளைச் சேர்ந்த அறிவியலாளர்களுக்கு விண்வெளி ஆராய்ச்சிக்கான குழு (COSPAR) மற்றும் இந்திய விண்வெளி ஆராய்ச்சி நிறுவனம் (ISRO) ஆகியவை இணைந்து இந்தப் பதக்கத்தை வழங்குகின்றன.
இந்தப் பதக்கத்தைப் பெறும் 4வது இந்தியர் மற்றும் முதல் இந்திய பெண் அறிவியலாளர் என்ற பெருமையை அன்னபூர்ணி சுப்பிரமணியம் பெற்றுள்ளார்; மேலும் இவ்விருதைப் பெறும் மூன்றாவது பெண் இவராவார்.
யு.ஆர்.ராவ் (1996), குர்பக்ஸ் சிங் லகினா (2014), மற்றும் அனில் பரத்வாஜ் (2024) ஆகியோர் இந்தப் பதக்கத்தைப் பெற்ற பிற இந்தியர்கள் ஆவர்.