மத்திய சேமக் காவல் படையானது (CRPF) 47 ஆண்டுகளில் முதல் முறையாகப் பணி சார்ந்த உயிரிழப்புகள் ஏதுமின்றி தொடர்ந்து 12 மாதங்களை நிறைவு செய்துள்ளது.
CRPF ஆனது 1939 ஆம் ஆண்டு ஜூலை 27 அன்று மத்தியப் பிரதேசத்தின் நீமுச்சில் அரசப் பிரதிநிதியின் காவல்துறை (Crown Representative’s Police) என நிறுவப்பட்டது.
இது 1949 ஆம் ஆண்டு டிசம்பர் 28 அன்று நாடாளுமன்றச் சட்டத்தின் மூலம் மத்திய சேமக் காவல் படை என மறுபெயரிடப்பட்டது, மேலும் இது மத்திய உள்துறை அமைச்சகத்தின் கீழ் செயல்படுகிறது.
உள்நாட்டுப் பாதுகாப்பைப் பராமரித்தல், கலவரங்களைக் கட்டுப்படுத்துதல், கிளர்ச்சி மற்றும் நக்சல் தடுப்பு நடவடிக்கைகளை மேற்கொள்ளுதல் மற்றும் தேர்தல்களின் போது பாதுகாப்பு வழங்குதல் ஆகியவை இதன் முக்கியப் பணிகளாகும்.
CRPF இயக்குநர் ஜெனரல் ஜி.பி.சிங் அவர்களின் கூற்றுப்படி, கடைசியாகப் பணி சார்ந்த உயிரிழப்பு 2025 ஆம் ஆண்டு அக்டோபர் 30 அன்று பதிவானது.
1947 ஆம் ஆண்டு முதல், 2,268 CRPF வீரர்கள் தங்களது பணியின் போது உயிரிழந்துள்ளனர்; 2010 ஆம் ஆண்டில் அதிகபட்ச வருடாந்திர உயிரிழப்புகள் (143) பதிவாகின.
1947 ஆம் ஆண்டிற்குப் பிறகு பணி சார்ந்த உயிரிழப்புகள் இல்லாத ஆறாவது காலகட்டம் இதுவாகும்.