தேசியச் செய்திகள்

GI மற்றும் Beyond 2.0 உச்சிமாநாடு

August 9 , 2026 5 days 29 0

இந்தியாவின் புவிசார் குறியீடு (GI) பெற்ற கைத்தறி மற்றும் கைவினைப் பொருட்களை மேம்படுத்துவதற்காக GI & Beyond 2.0 என்ற உச்சி மாநாடானது புது தில்லியில் நடைபெற்றது.
இந்தியக் கைத்தறிப் பொருட்களின் தெரிவுநிலை மற்றும் சந்தை அணுகலை மேம்படுத்துவதற்காக டிஜிட்டல் கைத்தறி வரைபடம் (Digital Handloom Atlas) - "ஒரு தளம். முடிவற்ற சந்தைகள்" (One Platform. Endless Markets) தொடங்கப்பட்டது.
லடாக்கின் நம்பு ஜவுளி, லடாக் பஷ்மினா ஜவுளி, இமாச்சல குட்மா மற்றும் இமாச்சல லிங்சே ஆகியவற்றிற்கு புதிய புவிசார் குறியீட்டுச் சான்றிதழ்கள் வழங்கப்பட்டன.
ஜார்க்கண்டின் மூங்கில் கைவினைப்பொருள், ஜார்க்கண்ட் டஸ்ஸர் பட்டுச் சேலை மற்றும் துணிகள், ஜார்க்கண்டின் முண்டா நகைகள் மற்றும் பரேலி சுட்டமண் (Terracotta) ஆகியவற்றுக்கும் புவிசார் குறியீட்டுச் சான்றிதழ்கள் வழங்கப்பட்டன.
இந்த உச்சிமாநாட்டில் 100-க்கும் மேற்பட்ட புவிசார் குறியீடு பதிவு செய்யப்பட்ட கைத்தறி மற்றும் கைவினைப் பொருட்கள் காட்சிப்படுத்தப்பட்டன; கைவினைஞர்கள் மற்றும் நெசவாளர்களின் நேரடி செயல் விளக்கங்களும் இடம் பெற்றன.
இந்தியாவின் கைத்தறி ஏற்றுமதியை மேம்படுத்துவதில் 60 ஆண்டுகளைக் குறிக்கும் வகையில் கைத்தறி ஏற்றுமதி மேம்பாட்டு சபை (HEPC) தனது வைர விழா இலச்சினையை வெளியிட்டது.