TNPSC Thervupettagam
✖
 
22, Oct 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

October 21 , 2026 15 hrs 0 min 76 0
  • இந்திய தர நிர்ணய அமைப்பானது (BIS) வெள்ளி ஆபரணங்கள் மற்றும் நாணயங்களின் தூய்மை மற்றும் நம்பகத்தன்மையை உறுதி செய்வதற்காக, ஆயிரம் பங்கிற்கு 999.9, 999.5 மற்றும் 999.0 ஆகிய மூன்று தூய்மைப் பிரிவுகளில் அவற்றைச் சான்றளிக்கவும் ஹால்மார்க் முத்திரையிடவும் வெள்ளி சுத்திகரிப்பு திட்டத்தைத் தொடங்கியது.
  • புளூம்பெர்க் நியூ எகனாமி ஃபோரமின் "இந்தியாவின் நிலைமாற்றக் கையேடு 2026" (India Transition Factbook 2026) அறிக்கையின்படி, ஒப்பந்தம் செய்யப்பட்ட சுத்தமான ஹைட்ரஜன் அளவில் இந்தியா உலகளவில் மூன்றாவது இடத்தைப் பிடித்துள்ளதுடன் ஆண்டுக்கு 3 லட்சம் டன் சுத்தமான ஹைட்ரஜனுக்கான கட்டாய ஒப்பந்தங்களும், ஆண்டுக்கு 10 லட்சம் டன்னுக்கும் அதிகமான பசுமை அம்மோனியா ஏற்றுமதி ஒப்பந்தங்களும் இதில் அடங்குகிறது.
  • மாணவர்கள், அறிவியலாளர்கள், தொழில்முனைவோர்கள் மற்றும் விவசாயிகளை இணைக்கவும், வேளாண் கல்வி, ஆராய்ச்சி, தொழில்நுட்பம் மற்றும் தொழில்முனைவோரை ஊக்குவிக்கவும் அக்ரிவிஷனின் (Agrivision) 10வது தேசிய மாநாடு புதுடெல்லியில் உள்ள இந்திய வேளாண் ஆராய்ச்சி சபை (ICAR) - தேசிய வேளாண் அறிவியல் வளாகத்தில் (NASC) நடைபெற்றது.
  • பெருநகர சென்னை மாநகராட்சியானது, சென்னை தமிழ்நாடு அரசு பன்நோக்கு உயர் சிறப்பு மருத்துவமனையின் கதிர்வீச்சுப் புற்றுநோயியல் துறையுடன் இணைந்து 'பிங்க் பல்ஸ் 2026' (Pink Pulse 2026) என்ற இணையவழி மார்பகப் புற்றுநோய் விழிப்புணர்வு திட்டத்தை அமைத்தது.
  • அத்பெர்மா பிரைவேட் லிமிடெட் நிறுவனத்தால் உருவாக்கப்பட்ட இந்தியாவின் மிகப்பெரிய ஒருங்கிணைந்த பீனால் மற்றும் அசிட்டோன் ஆலையை மேற்கு வங்கத்தின் ஹால்டியாவில் இந்தியா தொடங்கியது. மேலும் இது, இந்தியாவின் கிழக்குக் கடற்கரையில் அமைக்கப்பட்ட முதல் பீனால் உற்பத்தி மையமாகும்.
  • உத்தராகண்டின் கார்வால் இமயமலைப் பகுதியில், இந்தியா–திபெத் எல்லைக்கு அருகில் அமைந்துள்ள மகுட் மலையை (7,045 மீ) இந்தியக் கடலோரக் காவல்படையின் (ICG) 17 பேர் கொண்ட குழு ஏறி அடைந்தது.
  • இந்தியா - ஆஸ்திரேலியா கூட்டு ராணுவப் பயிற்சியான 'ஆஸ்ட்ராஹிந்த்' (AUSTRAHIND) இன் ஐந்தாவது பதிப்பு கேரளாவின் திருவனந்தபுரத்தில் தொடங்கியது.
  • தஜிகிஸ்தானின் துஷான்பேவில் நடைபெற்ற 25வது ஷாங்காய் ஒத்துழைப்பு அமைப்பின் (SCO) அரசுத் தலைவர்கள் சபைக் கூட்டத்தில் இந்தியாவின் சார்பில் பாதுகாப்புத் துறை அமைச்சர் ராஜ்நாத் சிங் கலந்து கொண்டார்.
    • இக்கூட்டம் உறுப்பு நாடுகளிடையே வர்த்தகம், பொருளாதாரம், முதலீடு, இணைப்பு, கண்டுபிடிப்பு மற்றும் கலாச்சார-மனிதநேய பரிமாற்றங்களில் கவனம் செலுத்தியது.
  • இந்தியா புதைபடிவமற்ற எரிபொருள் மூலங்களிலிருந்து 300 ஜிகாவாட் (GW) நிறுவப்பட்ட மின் உற்பத்தியைக் கடந்தது, இதில் 2025–26 ஆம் ஆண்டில் 55 ஜிகாவாட்டிற்கும் அதிகமாக சேர்க்கப்பட்டுள்ளது.
    • இந்தியா 2030 ஆம் ஆண்டிற்குள் 500 ஜிகாவாட் புதைபடிவமற்ற எரிபொருள் அடிப்படையிலான ஆற்றல் திறனை அடைவதை நோக்கமாகக் கொண்டுள்ளது, இதில் சூரிய மற்றும் காற்று ஆற்றல் முக்கியப் பங்கு வகிக்கின்றன.
  • பெங்களூரில் பிறந்த வானியலாளர் டாக்டர் ரம்யா அஞ்சே, நாசாவின் $20 மில்லியன் மதிப்பிலான 'பஃபின்ஸ்' (PUFFINS) விண்வெளி தொலைநோக்கி திட்டத்தின் முதன்மை ஆய்வாளராகத் தேர்ந்தெடுக்கப்பட்டார்.
    • PUFFINS என்பது "விண்மீன் தூசியில் உள்ள அம்சங்களைக் கண்டறிய புற ஊதாக் கதிர் முனைவாக்கத்தைப் பயன்படுத்துதல்" என்பதைக் குறிக்கிறது, மேலும் இது புவியின் தாழ்ந்த சுற்றுப்பாதையில் 10 இன்ச் புற ஊதா விண்வெளி தொலைநோக்கியைச் சுமந்து செல்லும் ஒரு சிறிய செயற்கைக்கோள் திட்டமாகும்.
  • இந்திய தேசியப் பெருங்கடல் தகவல் சேவைகள் மையத்தின் (INCOIS) இயக்குநர் டாக்டர் டி.எம். பாலகிருஷ்ணன் நாயர், யுனெஸ்கோவின் அரசுகளுக்கிடையேயான பெருங்கடலியல் ஆணையத்தின் இந்தியப் பெருங்கடலுக்கான துணைக் குழுவின் (IOCINDIO) தலைவராகத் தேர்ந்தெடுக்கப்பட்டார்.
    • யுனெஸ்கோ அரசுகளுக்கிடையேயான பெருங்கடலியல் ஆணையத்தின் (IOC) துணைக் குழுவான IOCINDIO, இந்தியப் பெருங்கடல் ஆராய்ச்சி மற்றும் கடல் அறிவியலில் பிராந்திய ஒத்துழைப்பை வலுப்படுத்த 2025 ஆம் ஆண்டு மே மாதத்தில் முறைப்படி தொடங்கப்பட்டது.
  • ஐஜி டிஃபென்ஸ் (IG Defence) நிறுவனம், எதிரி நாட்டு ஆளில்லா விமானங்களை அழிக்கும் கடினக் கொல்லும் (hard-kill) முறையைப் பயன்படுத்தும் 'ஜ்வாலா-எம்கே1' (JWALA-MK1) என்ற உள்நாட்டு குறுகிய தூர தரை-வான் எறிகணையை (SAM) தயாரித்து வருகிறது, மேலும் அதன் இரண்டு திட மின்கல மின்சார இயக்கிகளை வெற்றிகரமாகச் சோதித்தது.
  • எலும்பு புரை நோய் (Osteoporosis) பற்றிய விழிப்புணர்வு, முன்கூட்டியே கண்டறிதல் மற்றும் எலும்பு ஆரோக்கியத்தை மேம்படுத்துவதற்காக ஆண்டுதோறும் அக்டோபர் 20 அன்று உலக எலும்பு புரை நோய் தினம் அனுசரிக்கப்படுகிறது.
    • 2026 ஆம் ஆண்டின் கருத்துரு "Build, Protect, Strengthen Your Bones for Life” என்பதாகும்.

Post Views:
76

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்