TNPSC Thervupettagam
✖
 
07, Nov 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

November 5 , 2026 2 days 47 0
  • அமெரிக்காவின் கலிபோர்னியாவில் உள்ள லாஸ் ஏஞ்சல்ஸில் நடைபெற உள்ள 2028 ஆம் ஆண்டு ஒலிம்பிக் மற்றும் பாராலிம்பிக் விளையாட்டுப் போட்டிகளின் அதிகாரப்பூர்வ முழக்கமாக "ஸ்டார்ஸ் அலைன்" (Stars Align) என்பதை லாஸ் ஏஞ்சல்ஸ் 2028 (LA28) அமைப்புக்குழு வெளியிட்டது.
  • நாசா விண்வெளி வீரர் அனில் மேனன், கனடா நாட்டைச் சேர்ந்த விண்வெளி வீரர் ஜோசுவா குட்ரிக் என்பவருடன் இணைந்து சர்வதேச விண்வெளி நிலையத்தில் (ISS) தனது நான்காவது விண்வெளி நடையை நிறைவு செய்தார்.
  • பிலிப்பைன்ஸின் அல்பே மாகாணத்தில் உள்ள மேயான் எரிமலை வெடித்துச் சிதறியதில், அதன் உச்சியிலிருந்து 3,000 மீட்டர் உயரத்திற்கு சாம்பல் புகை மண்டலம் வெளியேறியது.
  • இமயமலையின் சிக்கிம் பகுதியில் வளரும் பானாக்ஸ் சோக்பாயென்சிஸ் (Panax sokpayensis) எனப்படும் மருத்துவ தாவரத்தின் வேர்த்தண்டுக் கிழங்கிலிருந்து (நிலத்தடித் தண்டு) மோலிசியா சோக்பாயென்சியா (Mollisia sokpayensia) என்ற புதிய பூஞ்சை இனத்தை ஆராய்ச்சியாளர்கள் கண்டுபிடித்துள்ளனர்.
  • ஜெல்லி மீன்களின் சுற்றுச்சூழல் முக்கியத்துவம் மற்றும் கடல்சார் சுற்றுச்சூழல் அமைப்புகளில் அவற்றின் பங்கு ஆகியவற்றை முன்னிலைப்படுத்தும் வகையில், ஒவ்வொரு ஆண்டும் நவம்பர் 3 அன்று உலக ஜெல்லி மீன் தினம் அனுசரிக்கப்படுகிறது.
    • ஜெல்லி மீன்கள் என்பவை பவளப்பாறைகள் மற்றும் கடல் அனிமோன்களை உள்ளடக்கிய நிடாரியா (Cnidaria) தொகுதியைச் சேர்ந்த பழமையான கடல்சார் முதுகெலும்பற்ற உயிரினங்களாகும்.

 


Post Views:
47

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்