தமிழ்நாட்டுச் செய்திகள்

உயர் நீதிமன்றங்களில் பிராந்திய மொழிகளின் பங்கு

November 5 , 2026 2 days 73 0

உச்ச நீதிமன்றம் மற்றும் அனைத்து உயர் நீதிமன்றங்களின் பொதுவான மொழியாக ஆங்கிலத்தைத் தொடருவது என்ற 1965 ஆம் ஆண்டு மத்திய அமைச்சரவையின் முடிவை எதிர்த்து சென்னை உயர்நீதிமன்ற வழக்கறிஞர்கள் சங்கம் (MHAA) பொதுநல வழக்கை (PIL) தாக்கல் செய்துள்ளது.
1965 ஆம் ஆண்டு எடுக்கப்பட்ட இந்த முடிவானது, இந்தி ஒரு பொதுவான மொழியாக பொருத்தமானதாக மாறும் வரை ஆங்கிலத்தைத் தொடர பரிந்துரைத்தது மற்றும் உயர் நீதிமன்றங்களில் பிராந்திய மொழிகளை அறிமுகப்படுத்துவதை எதிர்த்தது.
இந்த முடிவானது அரசியலமைப்பின் 14, 19 மற்றும் 21 ஆகிய சரத்துகளை மீறுவதாக MHAA வாதிட்டது.
சரத்து 348(2) ஆனது தீர்ப்புகள், ஆணைகள் மற்றும் உத்தரவுகளைத் தவிர்த்து, உயர் நீதிமன்ற நடவடிக்கைகளில் ஒரு மாநிலத்தின் அதிகாரப்பூர்வ மொழியைப் பயன்படுத்துவதற்கு, குடியரசுத் தலைவரின் முன் ஒப்புதலுடன், ஆளுநருக்கு அதிகாரமளிக்கிறது.
2006 மற்றும் 2014 ஆம் ஆண்டுகளில் சென்னை உயர் நீதிமன்றத்தில் தமிழை அறிமுகப்படுத்துவதற்கான தமிழகத்தின் முன்மொழிவுகளை மத்திய அரசு நிராகரித்தது.
சென்னை உயர்நீதிமன்றத்தில் தமிழைப் பயன்படுத்தக் கோரி தமிழ்நாடு சட்டப்பேரவை 2026 ஆம் ஆண்டு செப்டம்பர் 3 அன்று மற்றொரு தீர்மானத்தை நிறைவேற்றியது.