TNPSC Thervupettagam
✖
 
20, Aug 2025
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

August 18 , 2025 2 days 31 0
  • சென்னையைச் சேர்ந்த 19 வயது S. ரோஹித் கிருஷ்ணா, இந்தியாவின் 89வது கிராண்ட் மாஸ்டராகியுள்ளார்.
  • ஐதராபாத்தில் உள்ள நேரு விலங்கியல் பூங்காவானது, விலங்கு நோய் கண்டறிதல் மற்றும் ஆராய்ச்சிக்காக தென்னிந்தியாவின் முதல் உள்ளக உயிரியல் பாதுகாப்பு மூன்றாம் நிலை (BSL-3) ஆய்வகத்தை அமைக்க உள்ளது.
  • 2024 ஆம் ஆண்டில் மாநிலக் காவல்துறை மற்றும் வனத்துறை ஆகியவை இணைந்து தொடங்கிய அசாமின் 'ஃபால்கன் நடவடிக்கை', ஒற்றைக் கொம்பு காண்டா மிருகங்களின் வேட்டையாடுதலை வெற்றிகரமாகக் கட்டுப்படுத்தியுள்ளது.
  • சுதந்திரத் தினத்திற்கு முன்னதாக எந்தவொரு குறைபாடும் இல்லாத வகையிலான பாதுகாப்பை உறுதி செய்வதற்காக, எல்லைப் பாதுகாப்புப் படையின் மேகாலயா எல்லைப்புறப் பிரிவு, இந்திய-வங்காளதேச எல்லையில் மாநிலக் காவல்துறையுடன் இணைந்து 'அலர்ட் நடவடிக்கையினை' நடத்தியது.
  • இந்தியாவின் 20 வயதிற்குட்பட்டோருக்கான மகளிர் கால்பந்து அணி மியான்மர் அணியைத் தோற்கடித்து 20 ஆண்டுகளுக்குப் பிறகு AFC U20 மகளிர் ஆசியக் கோப்பை 2026 போட்டிக்குத் தகுதி பெற்றது.
  • BEML லிமிடெட் நிறுவனமானது, மலேசியாவிலிருந்து 1 மில்லியன் அமெரிக்க டாலர் மதிப்புள்ள வெளிநாட்டு இரயில்-மெட்ரோ ஒப்பந்தத்தினை வென்றுள்ளது.
  • நாக்பூர்-புனே வந்தே பாரத் விரைவு இரயில் ஆனது, வர்தா, அகோலா, புசாவல் மற்றும் டவுண்ட் உள்ளிட்ட முக்கிய நிலையங்களை இணைத்து இந்தியாவின் மிக நீளமானப் பாதையில் இரயில் போக்குவரத்து சேவையினை வழங்குகிறது.
  • இந்தியாவின் 79வது சுதந்திரத் தினத்தின் போது லடாக்கின் கார்கில் பகுதியில் விளைந்த வாதுமைப் பழங்கள் ஆனது சவுதி அரேபியாவின் ரியாத்தில் உள்ள லுலு உயர் சிறப்பு அங்காடியில் முதன்முறையாக அறிமுகப்படுத்தப்பட்டன என்ற நிலையில் இது இந்தியா-சவுதி இடையிலான வேளாண் வர்த்தகத்தில் ஓர் உந்துதலைக் குறிக்கிறது.

Post Views:
31

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்