TNPSC Thervupettagam
✖
 
02, Oct 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

September 24 , 2026 8 days 84 0
  • பெர்க்சையர் ஹாத்வே நிறுவனத்தின் தலைவர் பதவியிலிருந்து வாரன் பப்பெட் விலகி அதன் எமரிட்டஸ் தலைவரானார், அதே நேரத்தில் அவரது மகன் ஹோவர்ட் பப்பெட் செயல் சாரா தலைவராகியுள்ளார்.
  • வங்கதேசத்தின் பாப்னாவில் உள்ள ரூப்பூர் அணுமின் நிலையத்திலிருந்து தேசிய மின் கட்டமைப்புக்கு மின்சாரம் வழங்குவதை விரைவுபடுத்துவதற்காக சர்வதேச அணு சக்தி முகமையின் (IAEA) ஆதரவை வங்கதேசம் கோரியுள்ளது.
    • இக்கூட்டத்தில் அணுசக்தி தொழில்நுட்பத்தின் அமைதியான பயன்பாடு, அணு சக்தி பாதுகாப்பு மற்றும் சர்வதேச ஒத்துழைப்பு குறித்து விவாதிக்கப்பட்டது.
  • அமெரிக்காவின் மூத்த வேளாண் அதிகாரியான லூக் லிண்ட்பெர்க், உலக உணவுத் திட்டத்தின் (WFP) அடுத்த நிர்வாக இயக்குநராக நியமிக்கப்பட்டுள்ளார்.
  • "சுற்றுச்சூழல் மற்றும் பருவநிலை இயக்கவியலின் எதிர்காலம்" குறித்த சர்வதேச மாநாடு தேசிய பசுமைத் தீர்ப்பாயத்தால் (NGT) புது தில்லியில் நடைபெற்றது. இது பருவநிலை மாற்றம், சுற்றுச்சூழல் பாதுகாப்பு, மேம்பாடு மற்றும் சுற்றுச்சூழல் நீதி ஆகியவற்றில் கவனம் செலுத்தியது.
  • அருணாச்சலப் பிரதேசத்தின் கெய் பன்யோர் மாவட்டத்தில் உள்ளூர் நியிஷி பேச்சுவழக்கில் "ஓரம் ஓபு" என்று அழைக்கப்படும் அரிய பேய் மலர் ஆர்க்கிட் காஸ்ட்ரோடியா கெயின்சிஸ் பதிவு செய்யப்பட்டுள்ளது, மேலும் இது தரவு குறைபாடு என வகைப்படுத்தப்பட்டுள்ளது.
  • பிசினஸ் ஸ்வீடன் மற்றும் ஸ்வீடிஷ் சேம்பர்ஸ் ஆஃப் காமர்ஸ் ஆகியவற்றின் 2026 ஆம் ஆண்டு உலகளாவிய வணிக சூழல் கணக்கெடுப்பில் 41 உலகளாவிய சந்தைகளில் இந்தியா முதலிடத்தைப் பிடித்துள்ளது.
  • அமைதி, அகிம்சை மற்றும் ஒத்துழைப்பை மேம்படுத்துவதற்காக ஆண்டுதோறும் செப்டம்பர் 21 அன்று சர்வதேச அமைதி தினம் அனுசரிக்கப்படுகிறது.
    • 2026 ஆம் ஆண்டிற்கான கருத்துரு “Invest in Peace – For Everyone, Everywhere, Every Day” என்பதாகும்.
  • பாம்புக்கடி விஷம் மற்றும் அதன் ஆரோக்கிய பாதிப்புகள் குறித்த விழிப்புணர்வை ஏற்படுத்துவதற்காக ஆண்டுதோறும் செப்டம்பர் 19 அன்று சர்வதேச பாம்புக்கடி விழிப்புணர்வு தினம் அனுசரிக்கப்படுகிறது.
    • 2026 ஆம் ஆண்டிற்கான கருத்துரு “Disabilities from snakebite envenoming: The Hidden Crisis” என்பதாகும்.

Post Views:
84

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்