சுற்றுச்சூழல் செய்திகள்

அதிக அபாயம் உள்ள பனிப்பாறை ஏரிகள் - சிக்கிம்

September 8 , 2026 5 days 61 0

சிக்கிம் மாநிலம், பனிப்பாறை ஏரி வெடிப்பு வெள்ளம் (GLOF) ஏற்படுவதற்கான அதிக அபாயம் உள்ள 'வகை A'-இல் உள்ள 16 ஏரிகள் உட்பட 40 அதிக ஆபத்துள்ள பனிப் பாறை ஏரிகளை அடையாளம் கண்டுள்ளது.
உருகும் பனிப்பாறைகள் மற்றும் குவிந்து உருகும் நீரிலிருந்து பனிப்பாறை ஏரிகள் உருவாகின்றன; அதிகப்படியான நீர் அல்லது பூகம்பங்கள் போன்ற தூண்டுதல்கள் காரணமாக இந்த ஏரிகள் திடீரென வெடிக்கும் போது GLOF-கள் நிகழ்கின்றன.
ஷாகோ சோ ஏரி GLOF-க்கு மிகவும் பாதிக்கப்படக்கூடியதாக அடையாளம் காணப் பட்டுள்ளது; அதற்கான தணிப்பு நடவடிக்கைகளை சிக்கிம் தயாரித்து வருகிறது.
2025 ஆம் ஆண்டு பிப்ரவரி முதல் சிக்கிமின் அறிவியல் மற்றும் தொழில்நுட்பத் துறை GLOF அபாய மதிப்பீடு மற்றும் தணிப்புக்கான முகமைத் துறையாக உள்ளது.
இந்தியாவின் முதல் பிரத்யேக GLOF இடர் தணிப்பு நெறிமுறையை சிக்கிம் உருவாக்கி வருகிறது, அதே நேரத்தில் செயற்கைக்கோள் படங்கள், தொலை உணர்வு மற்றும் முன்-எச்சரிக்கை உணரிகள் கண்காணிப்புக்காகப் பயன்படுத்தப்படுகின்றன.