சுற்றுச்சூழல் செய்திகள்

அமுர் பருந்து வலசை போதல் - மணிப்பூர்

October 26 , 2026 14 hrs 0 min 30 0

செயற்கைகோள் அலைபரப்பிகள் பொருத்தப்பட்ட (satellite-tagged) இரண்டு அமுர் பருந்துகள் 23 நாடுகள் முழுவதும் சுமார் 20,000 கிமீ சுற்றுப் பயண வலசை போதலுக்குப் பிறகு மணிப்பூருக்குத் திரும்பியுள்ளன.
அபபாங் மற்றும் அலங் ஆகியவை வடகிழக்கு இந்தியாவுக்கும் சோமாலியாவுக்கும் இடையே அரபிக் கடலின் மேல் சுமார் 3,000 கிமீ உட்பட, சுமார் 6,000 கிமீ இடைவிடாத வலசைப் பயணத்தை முடித்தன.
அமுர் பருந்து (ஃபால்கோ அமூரென்சிஸ்) வடகிழக்குச் சீனா மற்றும் ரஷ்யாவின் தூரக் கிழக்குப் பகுதிகளில் இனப்பெருக்கம் செய்கிறது மற்றும் தென்னாப்பிரிக்காவில் குளிர்காலத்தைக் கழிக்கிறது.
இது IUCN செந்நிறப் பட்டியலில் தீவாய்ப்புக் கவலை குறைந்த இனம் (Least Concern - LC) என வகைப்படுத்தப்பட்டுள்ளது.
மணிப்பூர் மற்றும் நாகாலாந்து ஆகியவை முக்கியமான தங்கும் பகுதிகளாகும், அங்கு இந்தப் பறவைகள் நீண்ட தூரப் பயணங்களுக்கான ஆற்றலை உருவாக்க முக்கியமாகக் கரையான் மற்றும் எறும்புகள் போன்ற பூச்சிகளை உண்கின்றன.