சுற்றுச்சூழல் செய்திகள்

ஆப்பிரிக்காவின் அதீத வெப்ப நெருக்கடி

August 26 , 2026 10 hrs 0 min 32 0

ஓர் ஆய்வில், ஆப்பிரிக்காவின் முறைசாரா குடியிருப்புகளில் நிலவும் அதீத வெப்பம் சுகாதார ஏற்றத்தாழ்வுகளை மோசமாக்குகிறது எனக் கண்டறியப்பட்டுள்ளது.
இந்த முறையான மதிப்பாய்வானது 11 கல்வி தரவுத்தளங்களில் உள்ள 96,608 பதிவுகளில் இருந்து தேர்ந்தெடுக்கப்பட்டு 2010 மற்றும் 2024 ஆம் ஆண்டுக்கு இடையில் வெளியிடப்பட்ட 21 ஆய்வுகளை ஆய்வு செய்தது.
தென்னாப்பிரிக்கா, கென்யா, தான்சானியா, கேமரூன், எகிப்து, நைஜீரியா மற்றும் கானா ஆகிய நாடுகளை இந்த ஆய்வுகள் உள்ளடக்கியிருந்ததுடன் மோசமான வீடுகள், அதிக மக்கள் நெரிசல், வரையறுக்கப்பட்ட தண்ணீர் மற்றும் பலவீனமான உள்கட்டமைப்பு ஆகியவை வெப்ப பாதிப்பை அதிகரித்துள்ளன.
நீரிழப்பு, வெப்பச் சோர்வு, வெப்பத் தாக்கம் (heatstroke), தலைவலி, தூக்கப் பிரச்சனைகள், சுவாச நோய்கள், மனநலப் பிரச்சனைகள் மற்றும் பிற நோய்கள் ஆகியவை வெப்பம் தொடர்பான விளைவுகளில் அடங்கும்.
பாதிக்கப்படக்கூடிய சமூகங்களில் அதீத வெப்பத்தின் தாக்கம் மற்றும் அடிப்படையான சமூக-பொருளாதார நிலைமைகள் ஆகிய இரண்டிற்கும் தீர்வு காணும் வகையிலான தழுவல் நடவடிக்கைகளின் தேவையை இந்த ஆய்வு எடுத்துக் காட்டுகிறது.