TNPSC Thervupettagam
✖
 
06, Sep 2025
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

இந்திய ஈட்டி மரங்கள்

September 4 , 2025 2 days 39 0
  • தமிழ்நாடு அரசானது, 2025 ஆம் ஆண்டு பிப்ரவரி மாதத்திற்குப் பிறகு 1995 ஆம் ஆண்டு தமிழ்நாடு ஈட்டி மரங்கள் (பாதுகாப்பு) சட்டத்தினைப் புதுப்பிக்கவில்லை.
  • இந்திய ஈட்டி மரங்கள் ஆனது (டால்பெர்ஜியா லாடிஃபோலியா) தமிழ்நாட்டின் நீலகிரி, ஆனைமலை மற்றும் பரம்பிக்குளம் மலைத்தொடர்களில் காணப்படுகின்றது.
  • இந்தியாவின் வாழ்விடங்களில் இந்திய ஈட்டி மரங்களுக்கு ஏற்றவாறு 17.2% பகுதிகள் மட்டுமே பாதுகாக்கப்பட்ட பகுதிகளுக்குள் உள்ளது.
  • ஈட்டி மரங்கள் நைட்ரஜன் நிலைப்படுத்தல் மூலம் மண் வளத்தை மேம்படுத்துகின்றன.
  • அவை பறவை மற்றும் பூச்சிகளின் பல் வகைமையினை ஆதரிப்பதோடு, நீண்டகால கார்பன் உறிஞ்சு பகுதிகளாகவும் செயல்படுகின்றன.
  • 2019 முதல் 2025 ஆம் ஆண்டு வரையிலான சமீபத்திய கள ஆய்வுகள், தமிழ்நாட்டில் 0.1 ஹெக்டேருக்கு 2.85 ஈட்டி மரங்கள் இருப்பதாகக் காட்டுகின்றன.
  • கர்நாடகா மற்றும் கேரளாவில் 0.1 ஹெக்டேருக்கு 6.19 மற்றும் 5.38 மரங்கள் என அதிக மரங்களின் பரவல் அடர்த்தி பதிவாகியுள்ளது.
  • தமிழ்நாட்டில் உள்ள ஈட்டி மரங்களின் எண்ணிக்கையில் இயற்கையான மீளுருவாக்கம் இல்லாமல் முதிர்ந்த, பல ஆண்டுகள் ஆன மரங்கள் அதிகம் காணப் படுகின்றன.
  • தமிழ்நாட்டின் பல பகுதிகளில் ஈட்டி மரக் கன்றுகள் அரிதானவையாகவும் அல்லது இல்லாமலும் உள்ளன.
  • பாதுகாப்புச் சட்டமானது, 2025 ஆம் ஆண்டில் காலாவதியாகும் வரை அரசாங்க அனுமதியின்றி ஈட்டி மரங்களை வெட்டுவதைத் தடைசெய்தது.
  • குறிப்பாக நீலகிரி தேயிலைத் தோட்டங்களில் காணப்படும் தனியார் ஈட்டி மரங்கள், சட்டப் பாதுகாப்பு இல்லாமல் ஆபத்தில் உள்ளன.
  • அவற்றின் வாழ்விட மாதிரியாக்கம் நீலகிரி, கோயம்புத்தூர், ஈரோடு, திருப்பூர், திண்டுக்கல் மற்றும் தேனி ஆகியவை ஈட்டி மரங்களுக்கான முக்கிய மாவட்டங்களாக அடையாளம் காணப்பட்டுள்ளன.
  • அருகி வரும் காட்டு விலங்குகள் மற்றும் தாவரங்களின் (CITES) சர்வதேச வர்த்தகம் குறித்த மாநாட்டின் இரண்டாவது பின் இணைப்பின் கீழ் இந்திய ஈட்டி மரங்கள் பட்டியலிடப்பட்டுள்ளது.
  • இந்த இனமானது, 2018 ஆம் ஆண்டு முதல் சர்வதேச இயற்கைப் பாதுகாப்பு ஒன்றியத்தினால் (IUCN) எளிதில் பாதிக்கப்படக் கூடிய இனமாக வகைப்படுத்தப் பட்டு உள்ளது.
  • 2011-12 ஆம் ஆண்டில் இந்தியாவின் கடைசி தேசிய மதிப்பீட்டில் இந்திய ஈட்டி மரங்கள் அச்சுறுத்தலுக்கு அண்மையில் உள்ள இனமாகப் பட்டியலிடப்பட்டுள்ளது.

 


Post Views:
39

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்