TNPSC Thervupettagam
✖
 
09, Jun 2025
TNPSC Group I Topper Corner
தமிழ் English
தேடல்
பொருளாதாரச் செய்திகள்

இந்திய ரிசர்வ் வங்கியின் 6வது பண வரவுக் கணக்கெடுப்பு

June 6 , 2025 3 days 30 0
  • 2023-24 ஆம் ஆண்டில் வெளிநாட்டிலிருந்து இந்தியாவிற்கு அனுப்பப்படும் பணத்தின் பங்கு 118.7 பில்லியன் டாலரை எட்டி புதிய சாதனை படைத்துள்ளது.
  • இது அந்நிய நேரடி முதலீட்டு வரவினை விட அதிகமாக இருப்பதோடு மட்டுமல்லாமல், இந்தியாவின் வணிகப் பற்றாக்குறையில் பாதிக்கும் மேலான அளவில் பங்கினையும் வழங்குகிறது.
  • அமெரிக்காவிலிருந்து இந்தியாவிற்கு அனுப்பப்படும் பண வரவின் பங்கு 27.7% ஆகும்.
  • இது ஐந்தாவது சுற்றுக் (2020-21) கணக்கெடுப்பில் பதிவான 23.4 சதவீதத்திலிருந்து அதிகரிப்பினைக் குறிக்கிறது.
  • பண வரவில் அமெரிக்கா, ஐக்கியப் பேரரசு, கனடா, ஆஸ்திரேலியா மற்றும் சிங்கப்பூர் ஆகியவை ஒருசேர 51.2% பங்கினைக் கொண்டுள்ளன.
  • அவை ஆறு GCC நாடுகளின் (37.9%) ஒட்டுமொத்தப் பங்கை ஒரு பெரிய வித்தியாசத்தில் முந்தியுள்ளன.
  • 2023-24 ஆம் ஆண்டில், 5 லட்சம் ரூபாய்க்கும் மேற்பட்ட மதிப்பிலான பரிமாற்றங்கள் மொத்தப் பண வரவு மதிப்பில் சுமார் 29% பங்கினைக் கொண்டுள்ளன.
  • 2023-24 ஆம் ஆண்டில், எண்ணிம பணவரவு முறைகளில் இருந்து பெறப்பட்ட வரவுகள்  சராசரியாக, அனைத்துப் பண வரவுப் பரிவர்த்தனைகளிலும் 73.5% பங்கைக் கொண்டு இருந்தன.
  • தற்போது இந்தியாவிற்கு 200 டாலர் அனுப்புவதற்கான சராசரிச் செலவினம் 4.9% ஆக உள்ளது என்பதோடு இது உலக சராசரியான 6.65 சதவீதத்தினை விடக் குறைவாகும்.
  • ஆனால் இது இன்னும் நிலையான மேம்பாட்டு இலக்கு அளவுருவான 3 சதவீதத்தினை விட அதிகமாக உள்ளது.
  • மகாராஷ்டிரா, கேரளா மற்றும் தமிழ்நாடு ஆகியவை மொத்தப் பண வரவு மதிப்பில் சுமார் 51% பங்கினைப் பெற்றுள்ளன.
  • பீகார், உத்தரப் பிரதேசம் மற்றும் இராஜஸ்தான் ஆகியவை மொத்தப் பண வரவு மதிப்பில் 6 சதவீதத்திற்கும் குறைவான பங்கைப் பெற்றுள்ளன.


Post Views:
30

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்