துருக்கியின் அந்தால்யாவில் நடைபெற்ற 31-வது ஐக்கிய நாடுகள் பருவநிலை மாற்ற மாநாட்டில் (COP31), இந்தியா மற்றும் ஸ்வீடன் ஆகிய நாடுகள் தொழில்துறை மாற்றத்திற்கான தலைமைத்துவக் குழுவின் மூன்றாம் கட்டத்தை (LeadIT 3.0) தொடங்கின.
2019 ஆம் ஆண்டில் இந்தியா மற்றும் ஸ்வீடனால் தொடங்கப்பட்ட LeadIT அமைப்பில், பிரேசில் புதிய உறுப்பு நாடாக இணைந்ததைத் தொடர்ந்து, இதன் உறுப்பினர் எண்ணிக்கை 20 நாடுகள் மற்றும் 33 நிறுவனங்களாக உயர்ந்துள்ளது.
LeadIT 3.0 ஆனது 2027 ஆம் ஆண்டு முதல் 2030 ஆம் ஆண்டு வரை செயல்படும்; இது தொழில்துறைத் திட்டங்களை விரிவுபடுத்துதல், நிதி திரட்டுதல் மற்றும் அளவிடக்கூடிய விளைவுகளை வழங்குதல் ஆகியவற்றில் கவனம் செலுத்தும்.
தொழில்நுட்ப மேம்பாடு, மூலதனத் திரட்டல் மற்றும் இடர் குறைப்பு, கொள்கை ஆதரவுடன் கூடிய திறன் மேம்பாடு ஆகியவை இதன் மூன்று முன்னுரிமைகளாகும்.
குறைந்த கார்பன் தொழில்துறை மாற்றத்தை மையமாகக் கொண்டு எஃகு, சிமெண்ட் மற்றும் போக்குவரத்து ஆகியவை இதன் முக்கியத் துறைகளாகத் தொடரும்.
LeadIT இரண்டாம் கட்டத்தின் கீழ், இந்தியா-ஸ்வீடன் தொழில்துறை மாற்றக் கூட்டாண்மையின் கீழ் எஃகு மற்றும் சிமெண்ட் துறைகளில் 11 முன்-சோதனைத் திட்டங்கள் செயல்படுத்தப்பட்டன.