தேசியச் செய்திகள்

இந்தியா – லெசோதோ உறவுகள் 2026

August 11 , 2026 2 days 46 0

சமீபத்தில் டெல்லியில் நடைபெற்ற கூட்டு இருதரப்பு ஒத்துழைப்பு ஆணையத்தின் போது, இந்தியாவும் லெசோதோவும் இருதரப்பு ஒத்துழைப்பின் முழு அளவையும் ஆய்வு செய்தன.
தெற்கு-தெற்கு ஒத்துழைப்பை மேம்படுத்துவதற்கான தங்களின் பகிரப்பட்ட அர்ப்பணிப்பில் வேரூன்றிய, பல்வேறு துறைகளில் இந்தியாவும் லெசோதோவும் நெருங்கிய நட்புறவையும் ஒத்துழைப்பு உறவுகளையும் கொண்டுள்ளன.
கூட்டு இருதரப்பு ஒத்துழைப்பு ஆணையத்தின் அடுத்த கூட்டம் 2027-ஆம் ஆண்டில் மசேருவில் (லெசோதோவின் தலைநகரம்) நடைபெறும் என்று இரு நாடுகளும் ஒப்புக் கொண்டன.
லெசோதோ, தென்னாப்பிரிக்காவால் சூழப்பட்ட ஒரு நிலத்தால் சூழப்பட்ட நாடு ஆகும்.
இது "வானத்தில் உள்ள ராஜ்ஜியம்" அல்லது "மலை ராஜ்ஜியம்" என்றும் அழைக்கப் படுகிறது.
முழுவதும் 1400 மீட்டர் உயரத்திற்கு மேல் அமைந்துள்ள உலகின் ஒரே நாடு இதுவாகும்.
லெசோதோ, தெற்கு ஆப்பிரிக்காவின் மிக உயரமான சிகரத்தைக் கொண்ட மலோட்டி மலைத்தொடரில் அமைந்துள்ளது.
டிராகன்ஸ்பெர்க் மற்றும் மலோட்டி மலைகள் இதன் முக்கிய மலைத்தொடர்கள் ஆகும்.
இந்த நாட்டின் 80%-க்கும் அதிகமான பகுதி 1,800 மீட்டருக்கு (5,906 அடி) மேல் அமைந்து உள்ளது.
லெசோதோ உலகின் தென்கோடியில் அமைந்துள்ள நிலத்தால் சூழப்பட்ட நாடாகும்.
மற்றொரு நாட்டின் நிலப்பரப்பால் முழுமையாகச் சூழப்பட்ட உலகின் மூன்று சுதந்திர நாடுகளில் இதுவே மிகப்பெரியது; வாடிகன் நகரம் மற்றும் சான் மரினோ ஆகியவை மற்ற இரண்டு நாடுகளாகும்.
இத்தாலிய தீபகற்பம் மற்றும் ஐரோப்பாவிற்கு வெளியே அமைந்துள்ள ஒரே சுதந்திர நாடும், ஒரு குறுநாடாக இல்லாத ஒரே நாடும் இதுவே ஆகும்.