தேசியச் செய்திகள்

CAPF சட்டம் குறித்து உச்ச நீதிமன்றம்

August 11 , 2026 2 days 63 0

மேற்பட்ட அதிகாரிகள், 'மத்திய ஆயுதக் காவல் படை (பொது நிர்வாகம்) சட்டம், 2026'-ஐ எதிர்த்து உச்ச நீதிமன்றத்தில் வழக்கு தொடர்ந்துள்ளனர்.
முந்தைய நீதிமன்றத் தீர்ப்புக்குப் பிறகு கொண்டு வரப்பட்ட இச்சட்டம் அரசியலமைப்புக்கு முரணானது என்றும், அரசியலமைப்பின் 14, 16 மற்றும் 21-வது சரத்துகளை மீறுவதாகவும் மனுதாரர்கள் வாதிட்டுள்ளனர்.
இச்சட்டம், CAPF பிரிவு அதிகாரிகள் பதவி உயர்வு மூலம் தலைமைப் பதவிகளை அடைவதைக் கடினமாக்கும்.
CAPF தலைமையிடங்களில் இந்தியக் காவல் பணி (IPS) அதிகாரிகளின் எண்ணிக்கையைக் குறைத்து, CAPF அதிகாரிகள் உயர்பதவிகளை அடைவதை எளிதாக்க வேண்டும் என்று 2025 ஆம் ஆண்டு மே மாதத்தில் உச்ச நீதிமன்றம் பிறப்பித்த உத்தரவுக்கு நேர்மாறான நடவடிக்கையைச் செயல்படுத்தும் நோக்கிலேயே இந்தச் சட்டம் இயற்றப்பட்டுள்ளது.
அனைத்து CAPF-களிலும், 'இன்ஸ்பெக்டர் ஜெனரல்' (IG) நிலையிலான மொத்தப் பதவிகளில் 50 சதவீதமும், 'கூடுதல் இயக்குநர் ஜெனரல்' (ADG) நிலையிலான பதவிகளில் குறைந்தது 67 சதவீதமும், 'சிறப்பு இயக்குநர் ஜெனரல்' மற்றும் 'இயக்குநர் ஜெனரல்' நிலையிலான அனைத்துப் பதவிகளும் பணி மாறுதல் (deputation) அடிப்படையில் IPS அதிகாரிகளைக் கொண்டு நிரப்பப்பட வேண்டும் என்று இச்சட்டம் கூறுகிறது.
இதுவரை, இத்தகைய நியமனங்கள் நிர்வாக உத்தரவுகளின் அடிப்படையிலேயே மேற் கொள்ளப்பட்டு வந்தன.
'துணை இன்ஸ்பெக்டர் ஜெனரல்' (DIG) பதவிகளில் 50 சதவீதத்தை 'குரூப் ஏ' CAPF அதிகாரிகளுக்கு ஒதுக்கும் நடைமுறைக்கும் இச்சட்டத்தில் இடமளிக்கப்படவில்லை.
இதனால், அப்பதவிகளில் அதிக எண்ணிக்கையிலான IPS அதிகாரிகள் பணி மாறுதலில் நியமிக்கப்படுவதற்கு வழிவகுக்கப்பட்டுள்ளது.
'சஞ்சய் பிரகாஷ் எதிர் இந்திய அரசு வழக்கு' வழக்கில் 2025 ஆம் ஆண்டு மே 23 அன்று உச்ச நீதிமன்றம் அளித்த தீர்ப்பைச் செயல்படுத்த உத்தரவிடுமாறு மனுதாரர்கள் கோரியுள்ளனர்.
மேலும், அனைத்து CAPF-களிலும் உள்ள 'உயர் நிர்வாக நிலை' (HAG) பதவிகளை, பணி மாறுதல் மூலம் மட்டுமே நிரப்பாமல், அந்தந்தப் படைகளின் தகுதியுள்ள நிர்வாகப் பிரிவு அதிகாரிகளைக் கொண்டு நிரப்ப வேண்டும் என்றும், இதர நிவாரணங்களையும் அவர்கள் கோரியுள்ளனர்.
CAPF-களின் 'குரூப் ஏ' நிர்வாகப் பிரிவு அதிகாரிகள் அனைத்து வகையிலும் 'ஒழுங்கமைக்கப்பட்ட குரூப் ஏ சேவைகள்' (Organized Group A Services) பிரிவைச் சேர்ந்தவர்கள் என்று 2025 ஆம் ஆண்டு மே 23 அன்று உச்ச நீதிமன்றம் தீர்ப்பளித்திருந்தது.
அடுத்த இரண்டு ஆண்டுகளுக்குள் CAPF-களில் IG நிலை வரை IPS அதிகாரிகளின் பணி மாறுதல் நியமனங்களைக் படிப்படியாகக் குறைப்பதுடன், ஆறு மாதங்களுக்குள் பணி மற்றும் சேவை விதிகள் குறித்து காலக்கெடுவுடன் கூடிய மறுஆய்வு மேற்கொள்ளுமாறும் நீதிமன்றம் உத்தரவிட்டிருந்தது. உள்துறை அமைச்சகம் (MHA) அந்தத் தீர்ப்பை எதிர்த்து மேல்முறையீடு செய்தது; ஆனால், 2025 ஆம் ஆண்டு அக்டோபர் 28 அன்று நீதிமன்றம் மறுஆய்வு மனுவைத் தள்ளுபடி செய்ததன் மூலம், அந்தத் தீர்ப்பு இறுதியானது.
மத்திய ஆயுதக் காவல் படை (CAPF) மூன்று குழுக்களாக வகைப்படுத்தப்பட்டுள்ளது: எல்லைப் பாதுகாப்புப் படைகள் (அஸ்ஸாம் ரைபிள்ஸ், எல்லைப் பாதுகாப்புப் படை, இந்தோ-திபெத்திய எல்லைக் காவல் படை மற்றும் சஷஸ்திர சீமா பல்), உள்நாட்டுப் பாதுகாப்புப் படைகள் (மத்திய தொழில்துறை பாதுகாப்புப் படை மற்றும் மத்திய ரிசர்வ் காவல் படை) மற்றும் சிறப்பு அதிரடிப் படை (தேசிய பாதுகாப்புப் படை)..
சட்டமன்ற நடவடிக்கையின் மூலம் உச்ச நீதிமன்றத் தீர்ப்பை ரத்து செய்யும் விளைவை இச்சட்டம் கொண்டுள்ளது என்று அந்த மனுவில் வாதிடப்பட்டது.
அந்த நடவடிக்கை அதிகாரப் பகிர்வுக் கோட்பாட்டிற்கு முரணானதாகும்.