தமிழ்நாட்டுச் செய்திகள்

காசநோய் இல்லாத ஊராட்சி முன்னெடுப்பு

October 18 , 2026 4 days 93 0

காசநோய் இல்லா ஊராட்சி முன்னெடுப்பின் கீழ் தமிழ்நாட்டில் உள்ள மொத்தம் 2,390 கிராம ஊராட்சிகள் 2025 ஆம் ஆண்டிற்கான காசநோய் (TB) இல்லாத ஊராட்சிகளாக அறிவிக்கப்பட்டுள்ளன.
1,000 மக்கள் தொகைக்கு 30 அல்லது அதற்கு மேற்பட்ட காசநோய் அறிகுறி உள்ளவர்களை பரிசோதித்தல், 1,000 மக்கள் தொகைக்கு ஒன்று அல்லது அதற்கும் குறைவான காசநோய் அறிவிப்பு விகிதம் மற்றும் அறிவிக்கப்பட்ட மருந்து-உணர் திறன் கொண்ட காசநோயாளிகளிடையே 90% அல்லது அதற்கு மேற்பட்ட சிகிச்சை வெற்றி விகிதம் ஆகியவை இந்த அளவுகோல்களில் அடங்கும்.
தமிழ்நாட்டின் மதிப்பிடப்பட்ட காசநோய் நிகழ்வுகள் 2015 ஆம் ஆண்டில் ஒரு லட்சம் மக்கள் தொகைக்கு 192 என்ற அளவிலிருந்து 2024 ஆம் ஆண்டில் ஒரு லட்சத்திற்கு 171 ஆகக் குறைந்துள்ளது.
விழிப்புணர்வை மேம்படுத்துதல், முன்கூட்டியே கண்டறிதல், பரிசோதனை, சிகிச்சை பின்பற்றுதல் மற்றும் நோயாளிகளுக்கான ஆதரவு ஆகியவற்றை மேம்படுத்துவதற்காக வட்டார அளவில் 'ஜோஷ்' (JOSH - சுகாதாரத்திற்கான கூட்டுப் படை) குழுக்கள் (காசநோய் முக்த் பாரத் குழுக்கள் எனவும் அழைக்கப்படுகின்றன) அறிமுகப்படுத்தப்பட்டன.
ஒவ்வொரு ஜோஷ் குழுவிலும் ஒரு முதல் வகுப்பு முகமை அதிகாரி, ஐந்து மை பாரத் (MY Bharat) தன்னார்வலர்கள் மற்றும் ஐந்து தேசிய மாணவர் படை (NCC) மாணவர்கள் இருப்பார்கள்.
தமிழ்நாட்டில், முதல் கட்டச் செயலாக்கத்திற்காக தூத்துக்குடி, திருச்சி, கடலூர், தருமபுரி மற்றும் தேனி ஆகிய மாவட்டங்கள் தேர்ந்தெடுக்கப்பட்டுள்ளதுடன் நோயாளிகளுக்கு ஊட்டச்சத்து உதவி உள்ளிட்ட ஆதரவை வழங்குவதற்காக தேசிய காசநோய் ஒழிப்புத் திட்டம் (NTEP) மற்றும் நிக்ஷய் மித்ரா (Ni-kshay Mitra) முன்னெடுப்புடன் இணைந்து இத்திட்டம் செயல்படுகிறது.