TNPSC Thervupettagam
✖
 
21, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

கைலாஷ் மானசரோவருக்கு புதிய சாலை

May 11 , 2020 1928 days 788 0
  • உத்தரகாண்ட் வழியாக கைலாஷ் மானசரோவரை வேகமாகச் சென்று அடைய  ஒரு புதிய சாலைக்கான பணிகள் முடிவடைந்தன.
  • கைலாஷ் மானசரோவர் என்பது திபெத்தின் இமயமலைப் பகுதியில் அமைந்துள்ள ஒரு புண்ணிய யாத்திரைத் தளமாகும்.
  • பாதுகாப்பு அமைச்சரான  ராஜ்நாத் சிங்  இந்தச் சாலையை திறந்து வைத்தார்.
  • இது கடல் மட்டத்திலிருந்து 17,000 அடி உயரத்தில் இந்திய-சீன எல்லையில் உள்ள லிபுலேக் கணவாய் (உத்தரகாண்ட்) வரை  அமைக்கப் பட்டிருக்கிறது.
  • இது உத்தரகாண்டின் பித்தோராகரில் உள்ள தர்ச்சுலா என்ற நகரத்துடன் அந்தக் கணவாயை இணைக்கிறது.
  • எல்லைச் சாலைகள் அமைப்பானது (BRO - Border Roads Organisation) இந்தத் திட்டத்தை மேற்கொண்டு வருகிறது.
  • இந்தியா, சீனா மற்றும் நேபாளத்தின் முக்கோணச் சந்திப்புக்கு அருகில் லிபுலேக் கணவாய் உள்ளது.
  • 6638 மீட்டர் உயரமுடைய கைலாஷ் சிகரம் இமயமலையின் கைலாஷ் வரம்பில் இருக்கும் ஒரு உயர்ந்த சிகரமாகும். கைலாஷ் வரம்பு என்பது சீனாவின் தன்னாட்சிப் பகுதியான திபெத்தில் இருக்கும் இமயமலையின் வெளிப்புறப் பிரிவில் ஒரு பகுதியாகும்.
  • கைலாஷ் சிகரம் போன் மதம், புத்த மதம், இந்து மதம் மற்றும் சமண மதம் ஆகிய நான்கு சமயங்களுக்கு புனிதத் தளமாகக் கருதப்படுகின்றது.
  • இச்சிகரம் சிந்து மற்றும் பிரம்மபுத்திரா நதிகளின் மூலமான மானசரோவர் ஏரி மற்றும் சட்லஜ் நதியின் மூலமான ராகாஸ்தல் ஏரி ஆகியவற்றுக்கு அருகில் உள்ளது.
  • கைலாஷ் மானசரோவர் யாத்திரை உத்தரகாண்ட்டில் இருக்கும் லிபுலேகா கணவாய் மற்றும் சிக்கிமில் இருக்கும் நாதுலா கணவாய் ஆகிய இரு வழிகளில் மேற்கொள்ளப் படுகின்றது.


Post Views:
788

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்