ஜம்மு காஷ்மீர் மறுசீரமைப்பு மசோதா, 2019

• ஜம்மு காஷ்மீர் மறுசீரமைப்பு மசோதா, 2019 ஆனது 2019 ஆம் ஆண்டு ஆகஸ்ட் 05 அன்று மாநிலங்களவையில் அறிமுகப்படுத்தப்பட்டு, அன்றே நிறைவேற்றப்பட்டது. இம்மசோதா 2019 ஆம் ஆண்டு ஆகஸ்ட் 06 அன்று மக்களவையில் நிறைவேற்றப்பட்டது.
• இம்மசோதா ஜம்மு காஷ்மீர் மாநிலத்தைப் பின்வருமாறு மறுசீரமைக்க வழிவகை செய்கின்றது.
  • சட்ட சபையுடன் கூடிய ஜம்மு காஷ்மீர் ஒன்றியப் பிரதேசம்
  • சட்ட சபை இல்லாமல் லடாக் ஒன்றியப் பிரதேசம் (முன்பு 4 இடங்கள்)
• லடாக் ஒன்றியப் பிரதேசமானது கார்கில் மற்றும் லேஹ் ஆகிய மாவட்டங்களை மட்டுமே கொண்டிருக்கும். பிற பகுதிகள் ஜம்மு காஷ்மீர் ஒன்றியப் பிரதேசத்தைச் சார்ந்தவையாகும்.
• மக்களவையானது ஜம்மு காஷ்மீர் ஒன்றியப் பிரதேசத்தில் இருந்து 4 இடங்களையும் லடாக்கானது 1 இடத்தையும் கொண்டிருக்கும். 

துணை நிலை ஆளுநர்

• இந்த இரண்டு ஒன்றியப் பிரதேசங்களும் குடியரசுத் தலைவரால் நியமிக்கப்பட்ட ஆட்சியாளரின் மூலம் குடியரசுத் தலைவரால் நிர்வகிக்கப்பட விருக்கின்றது. இந்த ஆட்சியாளர்  துணை நிலை ஆளுநர் (LG - Lieutenant Governor) என்றறியப்படுகின்றார்.

ஜம்மு காஷ்மீர் சட்ட சபை

• இந்த மசோதா ஜம்மு காஷ்மீர் ஒன்றியப் பிரதேசச் சட்ட சபைக்கு கூடுதலாக  7 இடங்களுடன் சேர்த்து மொத்தம் 114 இடங்கள் அமைக்க வழிவகை செய்கின்றது (முன்னதாக 107 இடங்கள்). 
• இவற்றில் சில பகுதிகள் பாகிஸ்தான் ஆக்கிரமிப்பின் கீழ் உள்ள காஷ்மீரில்  இருப்பதன் காரணமாக 24 இடங்கள் காலியாக இருக்கும். மீதமுள்ள 90 இடங்கள் ஜம்மு காஷ்மீருக்கு அளிக்கப்படும்.
• சட்ட சபையில் பெண்கள் போதிய அளவில் பிரதிநிதித்துவம் பெறாமல் இருந்தால், அச்சபையில் பெண்களுக்கு பிரதிநிதித்துவம் அளிப்பதற்காக இரண்டு உறுப்பினர்களை துணை நிலை ஆளுநர் நியமிக்கலாம்.
• பட்டியலிடப்பட்ட இனத்தவர் மற்றும் பட்டியலிடப்பட்ட பழங்குடியினர் ஆகியோரின் மக்கள் தொகை எண்ணிக்கைக்கு ஏற்ப, அவர்களுக்கு சட்ட சபை இடங்கள் ஒதுக்கப்படும். 
• இந்தச் சட்ட சபையானது 5 ஆண்டுகள் பதவிக் காலத்தைக் கொண்டிருக்கும். துணை நிலை ஆளுநர் குறைந்தபட்சம் 6 மாதங்களுக்கு ஒரு முறையாவது சட்ட சபையைக் கட்டாயம் கூட்ட வேண்டும்.
• இந்த சட்ட சபை பின்வருபவை தொடர்பாக ஜம்மு காஷ்மீர் ஒன்றியப் பிரதேசத்தின் எந்தவொரு பகுதிக்காகவும் சட்டங்களை இயற்றலாம்.
  • “காவல் துறை” மற்றும் “பொது அமைதி” தவிர இந்திய அரசியலமைப்பின் மாநிலப் பட்டியலில் குறிப்பிடப்பட்டுள்ள எந்தவொரு விவகாரங்கள் மீதும்.
  • ஒன்றியப் பிரதேசங்களுக்குப் பொருந்துகின்ற பொதுப் பட்டியலில் உள்ள எந்தவொரு விவகாரங்கள் மீதும்.
  • மேலும், ஜம்மு காஷ்மீர் ஒன்றியப் பிரதேசத்திற்கான எந்தவொரு விவகாரங்கள் தொடர்பாக எந்த சட்டங்களையும்  இயற்ற நாடாளுமன்றத்திற்கு அதிகாரம் உள்ளது. 

அமைச்சரவைக் குழு

• சட்டசபையின் மொத்த உறுப்பினர்களில் 10 சதவிகிதத்திற்கு மிகாமல் அமைச்சர்களைக் கொண்ட குழு (அமைச்சரவைக் குழு) ஒன்று இருக்கும்.
• இந்த அமைச்சரவைக் குழுவானது சட்டம் இயற்றுவதற்கு சட்ட சபைக்கு உள்ள அதிகாரங்கள் குறித்து துணை நிலை ஆளுநருக்கு அறிவுரை வழங்கும்.
• அமைச்சரவைக் குழுவின் அனைத்து முடிவுகளையும் ஒன்றியப் பிரதேச முதல்வர் துணை நிலை ஆளுநருக்கு தெரிவிப்பார்.

உயர் நீதிமன்றம்

• ஜம்மு காஷ்மீர் உயர் நீதிமன்றமானது லடாக் மற்றும் ஜம்மு காஷ்மீர் ஆகிய ஒன்றியப் பிரதேசங்களுக்கான ஒரு பொதுவான உயர் நீதிமன்றமாகச் செயல்படும். 
• மேலும் ஜம்மு காஷ்மீர் ஒன்றியப் பிரதேசமானது சட்ட ரீதியிலான அறிவுரைகளை வழங்குவதற்காக அதன் ஒன்றியப் பிரதேச அரசிற்கு ஒரு தலைமை வழக்குரைஞரைக் கொண்டிருக்கும்.

சட்டமன்ற மேல்சபை

• ஜம்மு காஷ்மீர் மாநிலத்தின் சட்டமன்ற மேல்சபையானது ஒழிக்கப்படும். இவ்வாறு ஒழிக்கப்பட்டால் மேல்சபையில் நிலுவையில் உள்ள அனைத்து மசோதாக்களும் காலாவதியாகிவிடும்.

ஜம்மு காஷ்மீரின் பழைய மாநிலச் சட்டங்கள்

• ஜம்மு காஷ்மீரின் மாநிலம் சார்ந்த 153 சட்டங்கள் நீக்கப்படுகின்றன. 
• 166 மாநிலச் சட்டங்கள் தொடர்ந்து செயல்பாட்டில் இருக்கும். 7 சட்டங்கள் சில திருத்தங்களுடன் ஜம்மு காஷ்மீருக்குப் பொருந்தும். 
• ஜம்மு காஷ்மீரில் நிரந்தர குடியிருப்பு வாசிகள் அல்லாத மக்களுக்கு “நிலத்தை குத்தகைக்கு” வழங்குவது மீதான தடையை நீக்குதல் உள்ளிட்ட திருத்தங்கள் இதில் உள்ளடங்கும். 

இதர அம்சங்கள்

• பின்வரும் பிரச்சனைகளுக்காக ஆலோசனைக் குழுக்களை மத்திய அரசு அமைக்கும்.
  • மின்சாரம்  மற்றும் நீர் ஆகியவற்றின் உற்பத்தி மற்றும் விநியோகம்
  • ஜம்மு காஷ்மீர் மாநில நிதியியல் கழகம்
  • இரண்டு ஒன்றியப் பிரதேசங்களுக்கிடையே ஜம்மு காஷ்மீர் மாநிலக் கழகங்களின் சொத்துகள் மற்றும் நிதி சார்ந்த பொறுப்புகள் ஆகியவற்றைப் பிரித்துக் கொடுத்தல்.