TNPSC Thervupettagam
✖
 
17, Mar 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழகத்திலிருந்து புதிய மாநிலங்களவை உறுப்பினர்கள் 2026

March 12 , 2026 5 days 88 0
  • தமிழகத்திலிருந்து மாநிலங்களவையில் ஏற்படவுள்ள ஆறு காலி இடங்களை (தற்போதைய உறுப்பினர்களின் பதவிக்காலம் 2026 ஆம் ஆண்டு ஏப்ரல் 2 ஆம் தேதியில் முடிவடைகிறது) நிரப்ப, ஆறு வேட்பாளர்கள் போட்டியின்றி தேர்வு செய்யப் பட்டுள்ளனர்.
  • திருச்சி சிவா மற்றும் கான்ஸ்டன்டைன் ரவீந்திரன் (திமுக), எம். கிறிஸ்டோபர் திலக் (காங்கிரஸ்), எல். கே. சுதீஷ் (தேமுதிக), எம். தம்பிதுரை (அதிமுக), மற்றும் அன்புமணி ராமதாஸ் (பாமக) ஆகியோர் தேர்வு செய்யப்பட்ட உறுப்பினர்கள் ஆவர்.
  • மக்கள் பிரதிநிதித்துவச் சட்டம், 1951-இன் பிரிவு 53(2) மற்றும் தேர்தல் நடத்தும் விதிகள், 1961-ன் விதி 11(1)-ன் படி, தேர்தல் நடத்தும் அலுவலர் R. சாந்தி இவர்கள் போட்டியின்றி தேர்வு செய்யப் பட்டதாக அறிவித்தார்.
  • மாணிக்கம் மற்றும் சுதீஷ் ஆகியோர் முதல்முறையாக மாநிலங்களவைக்குத் தேர்வு செய்யப்படுகிறார்கள்.
  • தமிழகத்திற்கு மாநிலங்களவையில் மொத்தம் 18 இடங்கள் உள்ளன.
  • மாநிலங்களவைத் தேர்தல்கள் வெளிப்படையான வாக்குச்சீட்டு (open ballot) முறையைப் பயன்படுத்துகின்றன, இதில் ஒவ்வொரு சட்டமன்ற உறுப்பினரும் தங்கள் கட்சியின் அங்கீகரிக்கப்பட்ட முகவரிடம் வாக்கைக் காண்பித்த பின்னரே அதைப் பதிவு செய்ய வேண்டும்.
  • அவ்வாறு செய்யத் தவறினால் அந்த வாக்கு செல்லாததாகிவிடும்.
  • சுயேச்சை சட்டமன்ற உறுப்பினர்கள் ரகசியமாக வாக்களிக்கலாம்.
  • இந்தத் தேர்தல் ஒற்றை மாற்றத் தக்க வாக்கு (STV) மூலம் விகிதாச்சார பிரதிநிதித்துவ முறையைப் பின்பற்றுகிறது.
  • எம்.எல்.ஏ-க்கள் வேட்பாளர்களை விருப்ப வரிசைப்படி வரிசைப்படுத்துகின்றனர்.
  • முதல் சுற்றில், அனைத்து முதல் விருப்ப வாக்குகளும் எண்ணப்படும்.
  • மொத்த சட்டமன்ற உறுப்பினர்கள் மற்றும் கிடைக்கக்கூடிய இடங்களைக் கொண்டு கணக்கிடப்படும் ஒரு குறிப்பிட்ட இலக்கை (Quota) எட்டும் வேட்பாளர் வெற்றி பெற்றவராக அறிவிக்கப்படுவார்.
  • நிர்ணயிக்கப்பட்ட இலக்கை விட அதிக வாக்குகளைப் பெறும் வெற்றியாளர்கள் தேர்ந்தெடுக்கப்பட்டதாக அறிவிக்கப்படுவார்கள்.
  • உபரி வாக்குகள் அடுத்த விருப்ப வேட்பாளர்களுக்கு மாற்றப்படும்.
  • இடங்கள் நிரப்பப் படாவிட்டால், மிகக் குறைந்த வாக்குகள் பெற்ற வேட்பாளர் நீக்கப் பட்டு, அவரது வாக்குகள் மறுபகிர்வு செய்யப்படும்.


Post Views:
88

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்