TNPSC Thervupettagam
✖
 
16, May 2026
TNPSC Group I Topper Corner
தமிழ் English
தேடல்
தமிழ்நாட்டுச் செய்திகள்

தமிழகத்தில் பெரும்பான்மையற்ற ஆட்சி

May 10 , 2026 6 days 88 0
  • தமிழக சட்டப்பேரவையில் தமிழக வெற்றி கழகம் (TVK) தனித்து ஆட்சி அமைக்கத் தேவையான பெரும்பான்மையைப் பெறத் தவறியது.
  • 234 உறுப்பினர்களைக் கொண்ட பேரவையில் தமிழக வெற்றி கழகம் 108 இடங்களை வென்றது.
  • விஜய் பெரம்பூர் மற்றும் திருச்சி (கிழக்கு) ஆகிய இரு தொகுதிகளிலும் வெற்றி பெற்றதால், கட்சியின் உண்மையான பலம் 107 இடங்களாகக் குறைந்துள்ளது.
  • 2006ம் ஆண்டில், திராவிட முன்னேற்றக் கழகம் (DMK) 96 இடங்களை மட்டுமே வென்ற போதிலும், 68 இடங்களைக் கொண்ட கூட்டணிக் கட்சிகளின் ஆதரவுடன் ஆட்சி அமைத்தது.
  • திமுக கூட்டணிக் கட்சிகள் ஆளுநர் சுர்ஜித் சிங் பர்னாலாவிடம் ஆதரவுக் கடிதங்களைச் சமர்ப்பித்திருந்தன.
  • மிகப்பெரிய ஒற்றைக் கட்சியை ஆட்சி அமைக்க அழைக்கும் மரபு 1952-ஆம் ஆண்டு முதல் நிலவுகிறது.
  • 1952-ஆம் ஆண்டில், 375 உறுப்பினர்களைக் கொண்ட மெட்ராஸ் மாகாணச் சட்டப் பேரவையில் இந்திய தேசிய காங்கிரஸ் 152 இடங்களை மட்டுமே பெற்றிருந்த போதிலும், சி. ராஜகோபாலாச்சாரி தலைமையில் ஆட்சி அமைத்தது.
  • சட்டப்பேரவை அமைக்கப்பட்ட நேரத்தில் காங்கிரஸின் பலம் 165 உறுப்பினர்களாக அதிகரித்தது.
  • ராஜகோபாலாச்சாரியின் அமைச்சரவையில் காமன்வீல் கட்சியின் எம்.ஏ. மாணிக்க வேலு நாயக்கர் சேர்க்கப்பட்டார்.
  • ஜூலை 1979 ஆம் ஆண்டில், மொரார்ஜி தேசாய் தலைமையிலான ஜனதா கட்சி அரசாங்கம் வீழ்ந்த பிறகு, குடியரசுத் தலைவர் நீலம் சஞ்சீவ ரெட்டி கட்சித் தலைவர்களுடன் ஆலோசனை நடத்தினார்.
  • எதிர்க்கட்சித் தலைவர் யஷ்வந்த்ராவ் பல்வந்த்ராவ் சவான் ஆட்சி அமைக்க இயலாமையை வெளிப்படுத்தினார்.
  • அதன்பின்னர், சரண் சிங் ஆட்சி அமைக்க அழைக்கப்பட்டார்.
  • நவம்பர் 1990-ஆம் ஆண்டில், விஸ்வநாத் பிரதாப் சிங் தலைமையிலான அரசாங்கம் வீழ்ந்த பிறகு, குடியரசுத் தலைவர் ராமசாமி வெங்கட்ராமன் முக்கிய கட்சிகளிடம் கருத்து கேட்டார்.
  • பெரிய கட்சிகள் மறுத்ததைத் தொடர்ந்து, சந்திரசேகர் ஆட்சி அமைக்க அழைக்கப் பட்டார்.
  • எந்தக் கட்சியாலும் நிலையான அரசாங்கத்தை அமைக்க முடியாவிட்டால், ஆளுநர் குடியரசுத் தலைவர் ஆட்சியைப் பரிந்துரைத்து, சட்டப்பேரவையைத் தற்காலிக முடக்கத்தில் வைக்கலாம் அல்லது கலைக்கலாம்.
  • சட்டப் பேரவையில் அதிக ஆதரவைப் பெறும் கட்சி அல்லது கூட்டணியை ஆட்சி அமைக்க அழைக்க வேண்டும் என்று பூஞ்சி ஆணையம் பரிந்துரைத்தது.
  • ஆட்சி அமைப்பதற்கான முன்னுரிமை வரிசையை இந்த ஆணையம் பின்வருமாறு பரிந்துரைத்தது:
    • அதிக ஆதரவு கொண்ட தேர்தலுக்கு முந்தைய கூட்டணி.
    • வெளி ஆதரவுடன் கூடிய மிகப்பெரிய ஒற்றைக் கட்சி.
    • அனைத்துக் கூட்டணிக் கட்சிகளும் அரசாங்கத்தில் பங்கேற்கும் தேர்தலுக்குப் பிந்தைய கூட்டணி.
    • சில கட்சிகள் அரசாங்கத்தில் பங்கேற்க, மற்ற கட்சிகள் வெளியில் இருந்து ஆதரவு அளிக்கும் தேர்தலுக்குப் பிந்தைய கூட்டணி.


Post Views:
88

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்