தமிழ்நாட்டுச் செய்திகள்

திருச்சி உலர் துறைமுகத் திட்டம்

September 3 , 2026 10 days 87 0

திருச்சியில் பன்முக சரக்குப் போக்குவரத்து மையத்தை (MMLH/உலர் துறைமுகம்) அமைக்க மத்திய மற்றும் தமிழ்நாடு அரசுகள் கொள்கை அளவிலான ஒப்புதலை அளித்துள்ளன.
தமிழ்நாடு தொழில் வளர்ச்சி நிறுவனம் (TIDCO) விரைவில் இதற்கான பொருத்தமான இடத்தைக் கண்டறிந்து திட்ட முன்மொழிவைத் தயாரிப்பதற்கான விரிவான ஆய்வைத் தொடங்கவுள்ளது.
இந்த உலர் துறைமுகம் திருச்சி, கரூர், அரியலூர், பெரம்பலூர், புதுக்கோட்டை மற்றும் தஞ்சாவூர் ஆகிய மாவட்டங்களில் உள்ள தொழில்துறைகள் மற்றும் ஏற்றுமதியாளர்களுக்கு ஆதரவளிக்கும் என எதிர்பார்க்கப்படுகிறது.
இது சரக்குப் பெட்டகங்களைக் கையாளுதல், கிடங்கு வசதி, குளிர்பதனச் சங்கிலி, சரக்கு வாகன முனையம், சரக்கு ஒருங்கிணைப்பு, விநியோகம் மற்றும் சுங்க அனுமதி வசதிகளை வழங்கும்.
இந்த வசதியானது போக்குவரத்து மற்றும் சரக்கு கையாளுதல் செலவுகளைக் குறைப்பதுடன், தமிழ்நாடு மற்றும் கேரளாவில் உள்ள முக்கிய துறைமுகங்களுடனான இணைப்பை மேம்படுத்தும்.
தமிழ்நாட்டின் சென்னை, காமராஜர், காட்டுப்பள்ளி மற்றும் வ.உ.சி தூத்துக்குடி ஆகிய துறைமுகங்களும், கேரளாவின் கொச்சி மற்றும் விழிஞ்ஞம் ஆகிய துறைமுகங்களும் இந்தத் திட்டத்தின் கீழ் இணைக்கப்பட உத்தேசிக்கப்பட்டுள்ளன.