தேசியச் செய்திகள்

திருத்தப்பட்ட உதான் திட்டம் 2026

September 28 , 2026 3 days 66 0

இந்திய சிவில் விமானப் போக்குவரத்து அமைச்சகமானது மாநிலங்கள் மற்றும் ஒன்றியப் பிரதேசங்களுடன் புரிந்துணர்வு ஒப்பந்தங்களில் (MoUs) கையெழுத்திட்டது, மேலும் திருத்தப்பட்ட உதான் (உடே தேஷ் கா ஆம் நாக்ரிக் - UDAN) திட்டத்தின் கீழ் விமான நிலைய மேம்பாட்டிற்கான சவால் முறை இணையதளத்தை (Challenge Mode Portal for Aerodrome Development) அறிமுகப்படுத்தியது.
பிராந்திய விமான சேவைகளுக்கான விமான ஓடுதளங்கள் மற்றும் ஹெலிபேடுகளைப் பரிந்துரைக்க மாநிலங்கள் மற்றும் ஒன்றியப் பிரதேசங்களை இந்த இணையதளம் அனுமதிக்கிறது.
2016 ஆம் ஆண்டு முதல், உதான் திட்டம் 687 வழித்தடங்கள் மற்றும் 95 விமான நிலையங்களைச் செயல்பாட்டிற்குக் கொண்டுவந்துள்ளது, இதன் மூலம் சுமார் 17.1 மில்லியன் பயணிகள் பயணித்துள்ளனர்.
அடுத்த பத்தாண்டுகளில் 120 இடங்களைச் சேர்ப்பதையும், கூடுதலாக 4 கோடி பயணிகளுக்குச் சேவை வழங்குவதையும் திருத்தப்பட்ட உதான் திட்டம் நோக்கமாகக் கொண்டுள்ளது.
2026–27 முதல் 2035–36 ஆம் ஆண்டு வரையிலான காலத்திற்கு ₹28,840 கோடி மதிப்பீட்டில், தற்போது பயன்பாட்டில் இல்லாத விமான ஓடுதளங்களிலிருந்து 100 விமான நிலையங்களையும் 200 நவீன ஹெலிபேடுகளையும் மேம்படுத்த இத்திட்டம் திட்டமிட்டுள்ளது.