சுற்றுச்சூழல் செய்திகள்

நீலக்குறிஞ்சி பாதுகாப்புத் திட்டம்

August 28 , 2026 16 days 137 0

நீலக்குறிஞ்சிக்கான வருடாந்திரப் பாதுகாப்பு திட்டங்களை சமர்ப்பிக்குமாறு கேரளா, தமிழ்நாடு மற்றும் கர்நாடகா மாநிலங்களுக்கு உத்தரவிடுமாறு தேசிய பசுமைத் தீர்ப்பாயத்தை (NGT) சுற்றுச்சூழல், வனம் மற்றும் பருவநிலை மாற்ற அமைச்சகம் (MoEFCC) வலியுறுத்தியுள்ளது.
நீலக்குறிஞ்சி (ஸ்ட்ரோபிலாந்தஸ் குந்தியனா) என்பது மேற்குத் தொடர்ச்சி மலையின் ஒரு உள்ளூர் புதர்ச் செடியாகும்; இது 12 ஆண்டுகளுக்கு ஒருமுறை பூக்கும்.
இது நீலகிரி, பழனி-கொடைக்கானல், ஆனைமலை மற்றும் மூணார்-இடுக்கி நிலப் பரப்புகள் உட்பட 14 சூழலியல் பகுதிகளில் 34 இடங்களில் பதிவு செய்யப் பட்டுள்ளது.
கேரளாவின் திருவனந்தபுரத்தில் உள்ள ஜவஹர்லால் நேரு வெப்பமண்டல தாவரவியல் பூங்கா மற்றும் ஆராய்ச்சி நிறுவனம் (JNTBGRI), ஒரு சிற்றின-குறிப்பிட்ட பாதுகாப்பு செயல் திட்டத்தை முன்மொழிந்தது.
முக்கியப் பாதுகாப்பு நடவடிக்கைகளில் சூழலியல் கண்காணிப்பு, சீரழிந்த மலைப் பகுதி புல்வெளிகளை மீட்டெடுத்தல், ஆக்கிரமிப்பு இனங்களை அகற்றுதல் மற்றும் சுற்றுலாவை ஒழுங்குபடுத்துதல் ஆகியவை அடங்கும்.
பாதுகாப்புத் திட்டம் வனவிலங்கு வாழ்விட மேம்பாட்டுத் திட்டத்தின் கீழ் மாநில அரசுகளால் முக்கியமாகச் செயல்படுத்தப்படும் என்பதோடு இதற்கு சுற்றுச்சூழல், வனம் மற்றும் பருவநிலை மாற்ற அமைச்சகம் தொழில்நுட்ப மற்றும் நிதி உதவியை வழங்கும்.