அறிக்கைகள் மற்றும் குறியீடுகள்

பஞ்சாயத்து அமைப்புகளின் முன்னேற்றக் குறியீடு 2.0

May 2 , 2026 15 hrs 0 min 51 0

ஊரக உள்ளாட்சி அமைப்புகளை மதிப்பிடுவதற்காக 2023-24 ஆம் நிதியாண்டிற்கான பஞ்சாயத்து அமைப்புகளின் முன்னேற்றக் குறியீடு (PAI) 2.0-ஐ பஞ்சாயத்து ராஜ் அமைச்சகம் வெளியிட்டது.
PAI என்பது நிலையான வளர்ச்சி இலக்குகளுடன் (SDGs) இணைக்கப்பட்ட குறிக்கோள் குறிகாட்டிகளைப் பயன்படுத்தி கிராம பஞ்சாயத்துகளின் முன்னேற்றத்தை அளவிடுவதற்கான ஒரு தேசிய அளவிலான கட்டமைப்பாகும்.
இது அடிமட்ட அளவிலான கண்காணிப்புக்காக 17 SDG-களை 9 உள்ளூர் மயமாக்கப் பட்ட நிலையான வளர்ச்சி இலக்கு (LSDG) கருத்துருக்களாக மாற்றுகிறது.
PAI 2.0 சுகாதாரம், நீர் மற்றும் உள்கட்டமைப்பு போன்ற துறைகளில் 150-க்கும் மேற்பட்ட குறிகாட்டிகள் மற்றும் 230 தரவுப் புள்ளிகளைப் பயன்படுத்தி 2.5 லட்சத்திற்கும் மேற்பட்ட பஞ்சாயத்து அமைப்புகளை மதிப்பீடு செய்கிறது.
இது மதிப்பெண்களின் (0-100 அளவுகோல்) அடிப்படையில் பஞ்சாயத்து அமைப்புகளை சாதனை படித்தவை, முன்னணியில் இருப்பவை, செயல்திறன் மிக்கவை, இலட்சியம் மிக்கவை மற்றும் தொடக்கநிலையில் உள்ளவை என ஐந்து வகைகளாக வகைப்படுத்துகிறது.
இதில் சுமார் 97.3% பங்கேற்பு பதிவாகியுள்ளது, 2.59 லட்சத்திற்கும் மேற்பட்ட கிராமப் பஞ்சாயத்து அமைப்புகள் மதிப்பிடப்பட்டன, அவற்றில் 3,635 பஞ்சாயத்து அமைப்புகள் முன்னணியில் இருப்பவையாக உருவெடுத்துள்ளன.
சுமார் 45.7% பஞ்சாயத்து அமைப்புகள் “செயல்திறன் மிக்கவை” (Performer) என்ற பிரிவில் உள்ளன; எந்தவொரு பஞ்சாயத்து அமைப்பும் ஒட்டு மொத்தமாக A+ (சாதனை படித்தவை) தரத்தை எட்டவில்லை; மேலும் திரிபுரா, கேரளா மற்றும் ஒடிசா ஆகிய மாநிலங்கள் சிறந்த செயல்திறன் கொண்ட மாநிலங்களாகத் திகழ்கின்றன.
இந்தக் குறியீடு தரவு உந்துதல் ஆளுகையை ஆதரிக்கிறது, கிராமப் பஞ்சாயத்து மேம்பாட்டுத் திட்டங்களை (GPDPs) தயாரிக்க உதவுகிறது மற்றும் வெளிப்படையான, பங்கேற்பு ஊரக வளர்ச்சியை ஊக்குவிக்கிறது.