தேசியச் செய்திகள்

புதிய 11 சர்வதேச துறைமுகங்கள்

August 17 , 2026 16 hrs 0 min 48 0

இந்திய அரசின் கீழ் உள்ள மத்திய உள்துறை அமைச்சகம் மேலும் 11 சர்வதேச துறைமுகங்களை அறிவித்துள்ளது.
இதில் 9 தரைவழித் துறைமுகங்களும் 2 விமான நிலையங்களும் அடங்கும்.
புதிதாக சேர்க்கப்பட்ட தரைவழித் துறைமுகங்கள் தர்ரங்கா, கெடே, கோஜடங்கா, ஹரிதாஸ்பூர், ஜெய்கான், டாவ்கி, மோரே மற்றும் அட்டாரி (சாலை) ஆகும், இவற்றுடன் போபால் மற்றும் திருப்பதியில் உள்ள விமான நிலையங்களும் சேர்க்கப்பட்டுள்ளன.
இது மின்னணு விசாவின் நன்மையையும் பயன்பாட்டையும் மேலும் மேம்படுத்தும்.
இந்தியா ஏறக்குறைய 95% மின்னணு விசா விண்ணப்பங்களை 72 மணி நேரத்திற்கும் குறைவான நேரத்தில் வழங்குகிறது.
மின்னணு விசா வைத்திருக்கும் வெளிநாட்டினர் நுழைவதற்கான சர்வதேச துறைமுகங்களின் மொத்த எண்ணிக்கை இப்போது 88 ஆக உயர்ந்துள்ளது.
இந்திய விசா நடைமுறையை, குறிப்பாக சுற்றுலா விசா நடைமுறையை தாராளமய மாக்கவும் எளிமையாக்கவும் எடுக்கப்பட்ட ஒரு குறிப்பிடத்தக்க நடவடிக்கை, மின்னணு விசா வசதியை அறிமுகப்படுத்தியதாகும்.
மின்னணு பயண அங்கீகாரத்துடன் (ETA) கூடிய மின்னணு விசா வசதி, 43 நாடுகளின் குடிமக்களுக்காக 2014-ஆம் ஆண்டில் அறிமுகப்படுத்தப்பட்டது.
இந்த வசதி தற்போது 172 நாடுகளைச் சேர்ந்த குடிமக்களுக்குக் கிடைக்கிறது.
இந்தியா இப்போது சுமார் 78 சதவிகித விசாக்களை மின்னணு விசாக்களாக வழங்குகிறது.
மலையேற்றம் மற்றும் கப்பல் பயணங்களுக்கான குழு விசாக்கள் உட்பட, 17 துணைப் பிரிவுகளின் கீழ் மின்-விசா தற்போது கிடைக்கிறது.
பாகிஸ்தான் கடவுச்சீட்டு வைத்திருக்கும் அல்லது பாகிஸ்தான் வம்சாவளியைச் சேர்ந்த சர்வதேசப் பயணிகளுக்கு மின்-விசா வசதி இல்லாததால், அவர்கள் இந்தியத் தூதரகத்தில் வழக்கமான விசாவுக்கு விண்ணப்பிக்க வேண்டும்.