தேசியச் செய்திகள்

புனஹ் பரன் அலைபேசி செயலி

November 6 , 2026 15 hrs 0 min 49 0

இந்தியா முழுவதும் அறிவியல் பூர்வமான நிலத்தடி நீர் செறிவூட்டல் திட்டமிடலை வலுப்படுத்துவதற்காக 'புனஹ் பரன்' அலைபேசி செயலி மற்றும் அதன் இணையதளத்தை மத்திய ஜல் சக்தி அமைச்சர் அறிமுகப்படுத்தினார்.
இது செயற்கை நிலத்தடி நீர் செறிவூட்டலை (ARS) கிராம அளவில் திட்டமிடுவதற்காக வடிவமைக்கப்பட்ட ஒரு புவியியல் முடிவு-ஆதரவு செயலையாகும்.
பாஸ்கராச்சார்யா விண்வெளி பயன்பாடுகள் மற்றும் புவி-தகவலியல் தேசிய நிறுவனம் (BISAG-N) மற்றும் தேசிய நீர் திட்டம் (NWM) ஆகிய இரண்டும் இணைந்து இந்த செயலியை உருவாக்கியுள்ளன.
இது பயனரின் இருப்பிடத்திலிருந்து 3-கிமீ சுற்றளவுக்குள் நிலத்தடி நீர் செறிவூட்டக்கூடிய பகுதிகளை அடையாளம் காண்கிறது.
உள்ளூர் நிலைமைகளின் அடிப்படையில் தடுப்பணைகள், செறிவூட்டல் கிணறுகள், கசிவுநீர்க் குட்டைகள் மற்றும் உட்செலுத்துக் கிணறுகள் போன்ற பொருத்தமான கட்டமைப்புகளை இது பரிந்துரைக்கிறது.
மழையளவு, நிலத்தடி நீர் மட்டம், நீர்நிலை வளம், நிலச் சரிவு மற்றும் வடிகால் வலையமைப்புகள் போன்ற பல்வேறு புவியியல் தரவுகளை ஒருங்கிணைத்து இடங்களைத் தேர்வு செய்கிறது.