TNPSC Thervupettagam
✖
 
07, Aug 2025
TNPSC Group I Topper Corner
தமிழ் English
தேடல்
தேசியச் செய்திகள்

மகப்பேறு இறப்பு விகிதம்

November 12 , 2019 2095 days 3041 0
  • சமீபத்தில் இந்தியத் தலைமைப் பதிவாளரால் வெளியிடப்பட்ட மகப்பேறு இறப்பு விகிதம் (Maternity Mortality Ratio - MMR) குறித்த ஒரு சிறப்பு அறிக்கையின் படி, இந்தியாவின் MMR ஆனது ஒரு ஆண்டில் 8 புள்ளிகள் என்ற அளவில் குறைந்துள்ளது.
  • 2014-16 ஆம் ஆண்டுகளில் பிறந்த ஒரு லட்சம் குழந்தைகளுக்கு 130 ஆக இருந்த MMR ஆனது 2015-17 ஆம் ஆண்டுகளில் பிறந்த ஒரு லட்சம் குழந்தைகளுக்கு 122 ஆக (6.2% சரிவு) குறைந்துள்ளது.
  • தற்போது கேரளா, மகாராஷ்டிரா, தமிழ்நாடு, ஆந்திரப் பிரதேசம், ஜார்க்கண்ட், தெலுங்கானா, குஜராத், உத்தரகாண்ட், மேற்கு வங்கம், கர்நாடகா மற்றும் ஹரியானா ஆகிய ​​இந்தியாவில் உள்ள 11 மாநிலங்கள் இந்த MMR  இலக்கை அடைந்துள்ளன.
  • அசாம், உத்தரப் பிரதேசம், மத்தியப் பிரதேசம் மற்றும் ராஜஸ்தான் ஆகிய நான்கு மாநிலங்கள் MMR இலக்கை அடைவதில் பின்தங்கியுள்ளன.

இலக்குகள்

  • தேசிய சுகாதாரக் கொள்கை 2017ன் கீழ், 2020 ஆம் ஆண்டிற்குள் பிறக்கும் ஒரு லட்சம் குழந்தைகளுக்கு 100 என்ற MMR இலக்கை அடைய இந்தியா நிர்ணயித்துள்ளது.
  • 2030 ஆம் ஆண்டிற்கு முன்னதாகவே, அதாவது 5 ஆண்டுகள் முன்கூட்டியே 2025 ஆம் ஆண்டிற்குள் MMR அளவினைக் குறைப்பதற்கான நீடித்த வளர்ச்சிக்கான இலக்கை அடைவதற்கான பாதையில் இந்தியா உள்ளது.
  • MMR அளவைக் குறைப்பதற்காக மத்திய அரசால் லக்சயா, போஷான் அபியான் மற்றும் சுமன் (சுரக்சித் மத்ரித்வா ஆஷ்வாசன் முன்னெடுப்பு) போன்ற முன்னெடுப்புகள் தொடங்கப் பட்டுள்ளன.

Post Views:
3041

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்