சுற்றுச்சூழல் செய்திகள்

மேற்கு தொடர்ச்சி மலை சூழலியல் உணர்திறன் பகுதி (ESA) வரைவு

October 16 , 2026 6 days 107 0

ஆறு மாநிலங்களில் பரவியுள்ள மேற்குத் தொடர்ச்சி மலையின் 56,825.7 சதுர கி.மீ பரப்பளவை சூழலியல் உணர்திறன் பகுதியாக (ESA) அறிவிக்க முன்மொழிந்து, 2026 ஆம் ஆண்டு ஜூலை 27 அன்று மத்திய அரசு ஏழாவது வரைவு அறிவிக்கையை வெளியிட்டது.
அந்த ஆறு மாநிலங்கள் குஜராத், மகாராஷ்டிரா, கோவா, கர்நாடகா, கேரளா மற்றும் தமிழ்நாடு ஆகும்.
1986 ஆம் ஆண்டு சுற்றுச்சூழல் (பாதுகாப்பு) சட்டத்தின் கீழ் வெளியிடப்பட்ட இந்த வரைவு, புதிய சுரங்கங்கள், குவாரிகள், மணல் அள்ளுதல், அனல் மின் திட்டங்கள் மற்றும் செந்நிற-வகை தொழிற்சாலைகளுக்கு தடை விதிக்க முன்மொழிகிறது. மேலும் குறிப்பிட்ட பெரிய கட்டுமானத் திட்டங்களுக்கும் கட்டுப்பாடுகளை விதிக்கிறது.
விவசாயத்திற்கு முழுமையான தடையோ அல்லது குடியிருப்பாளர்களை வெளியேற்றவோ இந்த வரைவு வலியுறுத்தவில்லை; தற்போதுள்ள வீடுகளை பழுதுபார்த்து புதுப்பித்துக் கொள்ளலாம்.
இந்த வரைவை அதன் தற்போதைய வடிவத்தில் கர்நாடகா நிராகரித்துள்ளது. அதே நேரத்தில் கேரளா தனக்காக முன்மொழியப்பட்ட ESA பரப்பளவை 9,993.7 சதுர கி.மீட்டரிலிருந்து 8,590.69 சதுர கி.மீட்டராகக் குறைக்கக் கோரியுள்ளது; மற்ற மாநிலங்களும் மாற்றங்களைக் கோரியுள்ளன.
இறுதி அறிவிக்கை வெளியிடப்படுவதற்கு முன்பு, ஆட்சேபனைகள் மற்றும் வரைபடக் கவலைகளை ஆராய்வதற்காக நிபுணர் குழுவின் பதவிக்காலம் 2027 ஆம் ஆண்டு ஜூலை வரை நீட்டிக்கப்பட்டுள்ளது.