சுற்றுச்சூழல் செய்திகள்

யெரெவன் பாதை - COP17 பல்லுயிர்தன்மை உச்சிமாநாடு

November 4 , 2026 3 days 81 0

பல்லுயிர்தன்மைப் பெருக்கம் தொடர்பான மாநாட்டின் (CBD) 17 வது தரப்பினரின் மாநாடு (COP17) ஆர்மீனியாவில் நிறைவடைந்தது, இதில் 2030 ஆம் ஆண்டு வரை பல்லுயிர்தன்மை பாதுகாப்பிற்கான நடவடிக்கைகளை வழிநடத்தும் 'யெரெவன் பாதை' ஏற்றுக் கொள்ளப் பட்டது.
பாதுகாக்கப்பட்ட பகுதிகள், வனப் பல்லுயிர்தன்மை, ஆக்கிரமிப்பு வேற்று உயிரினங்கள் மற்றும் கடல்சார் பல்லுயிர்தன்மை ஆகியவற்றை உள்ளடக்கிய சுமார் 50 நிகழ்ச்சி நிரல் அம்சங்கள் இதில் ஏற்றுக்கொள்ளப்பட்டன.
தீங்கு விளைவிக்கும் மானியங்களைக் குறைப்பது, பல்லுயிர்தன்மை பாதுகாப்பிற்கான நிதியை அதிகரிப்பது மற்றும் குன்மிங்-மாண்ட்ரீல் உலகளாவிய பல்லுயிர்தன்மைக் கட்டமைப்புடன் (KMGBF) தேசியத் திட்டங்களை ஒருங்கிணைப்பது ஆகியவற்றில் யெரெவன் பாதை கவனம் செலுத்துகிறது.
பல்லுயிர்தன்மை பாதுகாப்பிற்கான புதிய நிதியாக சுமார் 2 பில்லியன் அமெரிக்க டாலர் மதிப்பிலான நிதி உறுதியளிக்கப்பட்டது, மேலும் சரத்து 8(j)-இன் கீழ் புதிய நிரந்தர துணை அமைப்புக்காக செவன் வழிகாட்டுதல்கள் நிறுவப்பட்டன.
பிற மரபுகள் மற்றும் நகோயா நெறிமுறையின் பலதரப்பு நன்மைப் பகிர்வு பொறிமுறையுடன் ஒத்துழைப்பது குறித்த முடிவுகள் ஈக்வடாரில் (2028) நடைபெறும் COP18 மாநாட்டிற்கு ஒத்தி வைக்கப் பட்டுள்ளன.